Leitlun Ah Daihnak A Um Maw?

December 24

Tlawngkai Ninga

Leitlun Ah Daihnak A Um Maw?

Siar:

Luka 2:8-14

Nan hnenah hnangam daihnak ka lo tanta. Keimai’ hnangamnak ka lo pek a si. Leilung mi ih pek vekin ka lo pe a si lo.    – Johan 14:27

Kumkhat Sung Baibal:

–   Habakkuk 1-3

–   Thuphuan 15

Van a khatmi vancungmi pawl thawn do awk ding cu ka hril lo ding, asinan ka ruah ttheumi cu Bethlehem khua lenglam ih tuukhal pawl hnenah vancung miburpi ih an tuahmi remdaihnak thutiam hi a si. Kan dunglam kum 2000 sungah kan leilung ah remdaihnak a um lo tluk a si. Raaldo awknak in mawh nei lo nunnak tampi a siatsuah. Ramsung buainak in siatnak a tamter sinsin. Nupa tthen awk zatek a saangzet. Kawhhran pawl an tthentthek aw. Remdaihnak cu a hlo theimi zaanmang vek a si.

Tiamkammi remdaihnak cu khui ah so a si? Leitlun remdaihnak hrangah a ttulmi zate Jesuh in a run keng zo. Daihnak thu in zirh, mah le mah kan duhdawt awk vekin innhnen duhdawt ding in fial. Nan hnenah hnangam daihnak ka lo tanta (Johan 14:27) tiah thu in kam. Biang khatlam tun bet ding, a hlei in peng khat feh ding, hmuhsuamtu pawl ngaithiam ding, duhham lo ding, ttonttaihnak ngaithiam awk ding, amai’ in duh vekin duhdawt awk ding le rian awk ding in zirh.

Daihnak hrangih a ttulmi tampi cu kanmai’ parah a tthum aw. Paul in, “Mi hmuahhmuah thawn remte ih um ding kha a cang thei tawk in zuam uh,” (Rom.12:18) a ti. Kan nunnak ah Daihnak Siangpahrang kan cuangter vekin tuih kum Christmas cu remdaihnak hi kan umnak leilung hnenah kan pekmi  laksawng siter uhsi!    – Joe Stowell

A caancaan ah raal awknak a um ding kan thei,

Cumi cu kan lungkim a ttul;

Kan nunnak ah rem awk lonak a um tikah,

Daite’n kan fianter suak ding.     – Fasick

Pathian thawn remdaihnak kan neih ahcun                                                       midang hnenah Amai’ remdaihnak kan ttawm thei.

(Visited 30 times, 1 visits today)

Comments

comments

Comments

%d bloggers like this: