Leimin Le Nikhua Ceen In India Le Nepal Ram A Silh

India ram nitlaknak lam Himachal Pradesh ih nikhua ceen le ruah tamnak ruangah nasa ngaiin lei a min ih mi 45 lenglo khalin an thih phah zo. Mipi khal tlawng suak theilo dingin lamzinpi pawl khal leimin in an silh.

India ram hi kum tinte deuh thaw in Furpi caan July – September ah nasa ngaiten nikhua thlengawknak ruangah mipi pawl in harsatnak an tuar ringring `theu. August 1, 2017 ni tiangih ruah ceennak ruangah Gujara ah mi 200 lenglo an thih phah ih mi 450000 lenglo a hngong siat. A hleice in India le Myanmar ramri, Chin ramkulh thawi a pehawknak Assam ram ih State 9 lenglo ah harsatnak an tuar rero.

Nepal ram khalah ni 10 lenglo cawllo in ruah a sur zoih tidai lian le leimin ruangah mi 49 lenglo in an nun an caan phah ve zo. Tui tiliannak hmun le leimin ih a silhnak hmun hi khualleng mivak pawl an tam zet nak hmun a siih ram dang mi ziang maw tizat khal a kharh tang tiin BBC thuthang cun a tarlang.

Red Cross pawl cun mi 100000 pawl in Nepal leimin le tilian ih kharhtang mi le a hngon mi an si zotiin a rak tarlang. Milai ih dirsuak le cangvaihnak ci a si lo ruangah Sai/Vui pawl hmangin mi pi runsuahhna khal an tuah rero.#

(Visited 75 times, 1 visits today)

Comments

comments

Comments

%d bloggers like this: