Leilung A Hnin Tikah

July 17

Tlawngkai Ninga

 

Leilung A Hnin Tikah

 

Siar:

Saam 18:1-6

 

Harsat ka tonlai ah Bawipa cu ka ko; I bawm dingah ka Pathian cu ka ko a si.

A Biakinn ihsin ka aw a thei; ka aunak aw a hna sungah a lut.       – Saam 18:6

 

Kumkhat Sung Baibal:

–   Saam 18-19

–   Tirhthlah 20:17-38

 

San Francisco khuapi le a kiangkap pawl linghnin in a siatsuah hnu tawkfang rei ah nauhak pa pakhat cu tlawnginn bualrawn ah sawn dualdo in a um. Sayakyi in, “Na dam maw?” tiih a suh tikah, “Ka dam ko. Nehhnu ling a hnin saal asile ziang hman poi lo dingin leilung vekin ka tthawn aw,” tiah a let. Linghnin dang tuar thei dingin a timtuah aw cia.

 

Vei hnihkhat cu siatsuahnak kan ton hnu ah ziang a cang hrih pei maw? tiah ttantthat kan khuar. Telephone in riahsiatnak thu sia a thei dahtu cun telephone awn kan theih tinte’n ziang a cang lala tiah kan ttih ih kan lau ttheu.

 

Saul siangpahrang in thah a tum hnu cu David hrangah ling a hnin (1Sam.19:10) . A tlaan ih a relh. A rualpa Jonathan hnenah hiti’n a sim: “Ka thihnak dingah kar khat lawng a sam (1Sam.20:3),” ti’n. Thihnak hrihrual in i ngerh ih siatnak tilian in i kulh” a ti (Saam 18:4).

 

David cu vansanglaam ih a umlai ah Pathian a ko (Saam 18:6) ih a hnenah um ringring in hngauhsan tlak a simi hngetkhohtertu a tong. Hiti’n a sim: “Bawipa cu ka Lungpi, ka raalhruang le i Ruuntu, ka Pathian, ka cahnak thazaang, le ka beunak a si” a ti (Saam 18:2)

 

Kan hnuai ih leilung a hnin tikah Bawipa cu kan hrang khal ah cuvek a si ve ding.

 

Bawipa cu kan Lungpi, kan beunak,

Thli sia a hraan tikah kan beunak;

Ziangvek thil a thlen hmanah kan himnak,

Thlisia a hraan ah kan beunak.

 

Nunnak tisuar tho lakah him dingin kumkhua Lungpi ah cawl aw.

(Visited 17 times, 1 visits today)

Comments

comments

Comments

%d bloggers like this: