Leiltun Nunau Tebik India Ram Ah A Um

Leitlun ih nunau tebik cu India ramah a um ih a rei hlanah British TV Show ah kimcangten langter a si ding. Jyoti hi a te zet ko nan a rualpi dang vek in tumtahnak a nei ve a si. Tu hi kum 15 a kim ih fit (11) le ½ in a sang ih a rih lam cu lungte pakhat tluk a si ti a si.

A te zet ko nan a rualpi pawl lakah a ning a zak lo. A tlawngfawm khal special tak ih thit sak a si. Sibawi thenkhat pawl cun a dam sung a thang nawnlo ding tin an sim. Jyoti sim daan vek asile “kum thum ka si lawngah ka rualpi pawl hnak ih ka danglam ka thei” a ti, asinan mi khal an tthan thei kei khal ka tthangthei ve ding tin tthang ka tum rero ko a ti.

Jyoti cu angki, uniform, bag le tonak tokheng pawl khal a mai hrangah a hleice in an tuahsak. A thianrual lakah cun nauhak te bangin a lang. Asinan leitlunih nunau tebik ka si hi ka siraw lo a si, mikip in in theih phah a ti.

Asinan Jyoti ih harsa atimi pakhat cu a cabu le bawlpen pawl a hrangah an tum deuh. Asinan ka rualpi lakah ningzaknak ka neilo an ruahvek ka ruat thei, an ei vek ka ei thei ko a ti. Hnihsuak zet pakhat cu Jyoti hi tuini tiang leitlun hmel that le zuknung cangthiam (actress) si dingih a tumtahnak a hlo theih hrihlo a si. India Nagpur ah a um.

Tlawnginn ka luh hmaisabik cu midang an tum ka ti tuk ih ka tih thei tuk nan a tu cu keimah te ziangkim special in ka nei zoh ih a nuam tuk a ti. Ceiawknak ka uar tuk ih ka nu le pa u le nau khal in thuamhnaw mawimawi in leih theu a ti.

(Visited 30 times, 1 visits today)

Comments

comments

Comments

%d bloggers like this: