Leilet Khua Ih Kum Kimlo Nauhak Sualpitu Kum 20 Thawngthlak Daantat

Falam peng Leilet khua ih um, Pa Khup Khan Thang (Innsang nei cia) in a nupi naunu fanu, an inn ihsin Leilet ih tlawng kaaimi kum 13 nu te cu December 10, 2016 ni ah a sualpi ti a si. Falam peng Leilet khua ih kum kimlo nauhak sualpitu cu kum 20 sung thawngthlak dingin Falam ih thuṭhennak zung ihsin daan an tat. Pu Khup Khan Thang cun an inn ih tlawngkai a nupi ih nau ih fanu kum 13 mi cu December 10, 2016 ah hramhram in a sualpi.

Hi a sualpinak hi an inn ihsin falong 5 tluk ih hlatnak ah bike thawn a hruai ih a sualpi tiah theih a si. A sualpi mi nu te cu Tlangkawi khua ihsin Leilet ah phun 7 tlawng kaai laimi a si. An Khua lam in hih thu an thei ve te’n Pa Khup Khan Thang kaai dingin an hawl cih ih, December 11, 2016 (zarhpi) zinglam sml 3:30 hrawngah an kaai ngah.

Pa Khup Khan Thang cu Tibual palik zung ihsin Falam palik zungah an hruai ih Falam thuṭhenzung ah thuhla tawlrel sak in a um. Cutin tuni ah, Falam thuṭhenzung cun nauhak kum kim lo sualpitu Pa Khup Khan Thang cu kum 20 thawng tlak ding in thu a ṭhen tiah kan thei. Falam DC U Moe Zaw Soe cun, “Tusan milai ziaza cu a ṭumsuak deuhdeuh.

Unau sungkhat, mah miphunpi tiih ngainatnak khal a hlo vivo. Ahleice in rit thei sii a hmangtu pawl ih thinlung sungah ṭhat lonak thu hlir in a khat. Cumi cu daan ih humhimnak tangah um thei dingin tawlrel a ṭul. Atu ah Falam peng sungih Laikhua pawl ah kum 16 nunau cu amah ih lungkim ah siseh, lungkim lo ah siseh, kum kim lo a si tiah daan sungih a ummi thu le mipi ih theih ṭulmi daan thu pawl cu upadi zung lam ṭuanvo neitu pawl thawn tlawnginn tin ah thusimnak nei dingin kan tawlrel zo”tiah a sim.

Atufang Falam thuṭhenzung ah nauhak kum kim lo sualpi mi case 3 a um ih Tedim peng ihsin 1, Kalay le Falam ramri ih cangmi 1 le atui’ Leilet khua thil cangmi pawl a si.

Sirhsan – Chinland Herald

Comments

comments

Comments

%d bloggers like this: