Leikhur Sungih Taang Pawl Lasuak thluh

Leitlun pumpi in   a ngaihvenzet mileh an helhkam pi zetmi Chile ram leilung kawsung pi 2500 ih thuksungih tang minung 33 pawlcu mizanah himdan ten laksuah thluh an si.theihzo vekin himi pawlhi tuikumAugust ni 5 ihsin an leilung laimi kua sungah leilung ciimin an silhpit ih, nungdamih an um zumnawnlo hnuah nungdam ih an umthu theihsuak a siih, cumi hnuah Chille Cozah cun  ram dangdang thiamnak leh bawmnak dilin   a lai ih, leikaw sungih ni 69 an um hnuah laihsuah ih nungdam ih phorhsuak thluh an si.

An laksuah hmaisa bik mihi Florencio Avalos a siih, leng a hungthlen veten a sungkhat leh  an ram President, Sebastian Pinera in lungawi mithli thawn an rak hmuakin an rak cibai. himi hnuah leikhursung ih tang lakih ramdang mi umsun Bolivia rammi Carlos Mamani leh an lakih kum nauhak bik Jimmy Sanchez cu laksuak an siih, cumi hnuah nazi pakhat hnu pakhat danah an zaten laksuak thluh an si.

Hi pawlhi leng an hungthlen  veten khawvang hmucih mai loding in tarmit dum bunter an siih, an sungkhat leh Cozah thu neitu Upa in an rakm hmuah thluhnu in an harhdam nak lam zohfiang dingih sibawi hnenah kuat cih thluh an si.

Comments

comments

2 Comments

  1. Bawipa a tha… A va lungawi um tak em!

  2. Saithantluanga Tuallawt says:

    Hi hi cu ka lungawipi ve zet. Ziang tlukin sungte hrangah a lungawi um ding tin ka ruat, mithi tho sal vek a si ko.

Comments

%d bloggers like this: