Leiba Hrang Ih Mai fate 3 Zuartu Malaysia Pacang

Gambling DebtPETALING JAYA : Malaysia ram ih lorry motor mawngtu pakhat cun, a leiba neihmi pawl a rulh theilo ruangah, cumi rulhnak ding ah a fate 3 cu a zuar asi ti in a fate nu Liew Kim Yow cun MCA office ah asim asi. Nauhak 3 ih pa hi a hmin a relduhlo ih, kum 7 tluk , Serendah, Hulu Selangor ah an umtlang hnu ah fate 3 an nei asi.

Asinan, neihawk ngai cu na nei aw hrihlo. Nikum September ah khan, hipa hin a fate nu hnen ah cun nafale 3 cu a nu in a rak zoh ding ih, annih cu Singapore lam ah hnatuan in an feh a tumtah thu a sim. Cutin, fate 3 cu a nu hnen ah a heiret ti in a fate nu hnen ah cun a sim.

Cumi lai ah, hi nu ih reldan vek asi le, mi in kan fate hi Rm. 50,000 le Rm. 20,000 in kan lo lei ding in ti nan, mai fate cu ka zuar sianglo ti in cupa cun a rak sim dah ti in asim. Cumi hnu cun a ngaih a thavak lo nan, a nu hnen ah thlamuang tak in an um a ti san men theu.

Cumi hnu thlathum ah cun, Singapore ih an feh ding pawl cu an thawn theh ruangah thin nuamlo zet cun a fate pawl hawl ding cun Liew cu a poksuak. Palik zung ah fate hlo ti in a va sim theih hnu ah, an fate hmin pawl an hun zoh ciang cu, 2012 October thlah ah le December 23 ni pawl ah , cu pa cun palik zung ah a fate a hlo asi tin a rak report zo thu a va theisuak.

Thu umdan an zohfiang vivo tik ah, fate pa ih a rak umpi ringring mi hi, loan in paisa tamtak la tu le leiba tamtak neitu asi ih, cumi ruangah a zuar asi an zum. Palik pawl cun, hi nauhak 3 rak lei ih rak cawmtu pawl cun a rangthei bik ih palik theihter ding in thu an suah. Cu pa khal cu kaih duhmi cazin ah an ret in tu ah an hawl rero. Mai fate rori zuarsiang, cuvek thinlung pu cu makzet asi.

Comments

comments

One Comment

  1. A va mak ve mai fa te zuar ro ri cu, mi mak tak asi Pathian in a tlun ah tuarnak a pek ka zum, mah mi nung cu sim lo mah fa te hman zuar cu mak tak si. leitlun hi a mak vi vo a si hi

Comments

%d bloggers like this: