LCF Crusade & Zion Ralkap VCD Released!

Kum 2010 sungah veikhat tal Crusade nei dingih thurel cahmi thawn pehpar in, Aizawl LCF (Lai Christian Fellowship) cun Ni 13-Sept-2010 ihsin 19-Sept-2010 tiang khan, LCF khawmnak Zodin, Aizawl hmunah neih a si.

Speaker ah Evan S. Tha Nei Fai a siih, Singer cu Evan. Biak Hlei Sum a si. Anmah bawmtu dingah tiin, Salai Van Duh Thang @ Duduh le Evan. James Lal Din Lian in an hmanpi. Can dangih Crusade ih thleng dahlo khawpin Pathian in mipi a hip/ko khawm ih, tuini 19-9-2010 sun khawm ahkhan Biakin sung a tlem thei zat rem a si hnu khalah, a sungih lut thei lo ko, step (kailawn) khalah an khat ih, cumi ih tlemlo, lamzinpi lam ih um le tlungsal khal an um. Khawm hram hi Rev. Tomothy Lal Hlun Eng in a nei.

Hi Crusade danglam nak cu, natnak a phunphun neimi pawl, an lu parih kutsuang in siseh, mipi hmaiih thlacamnak le phone feh tlangin damnak an co ih, kan biakmi kan Pathian Chinland cun a thangthat a si.

Tuini ahkhan, Zion Ralkap VCD, hlasak thiam minung 20 ih sakmi, hlaphuah thiam dangdang pawl ih phuahmi, TEFF (The Truth Evangelical Falam Fellowship) tawlrel mi Live Show cu, Pastor France, LCF, Aizawl Pastor in relaease nak a nei cih.

Hi VCD hi ramleng hmun tamsawn ah kuat suah tum a siih, Pathian hnatuan vivonak ding ruahsannak thawn tuah mi a si bangin, ramleng um Laimi kan umnak a thlen ahcun, Pathian hnatuannak ah ngaiin, rak bawm cio tum dingah, Chinland cun a dilsak duh bet fawn.

(Visited 46 times, 1 visits today)

Comments

comments

2 Comments

  1. Hniangsinpa,

    Nan crusade cu telve a duh um tuk.
    VCD cu kan hnen lam a ra thleng ve em keicu.

    Pathian hla hi aw! ka ruat theu.
    Mithli tlak ko khal mi a tuah thei.
    Amak tuk Hla phuah tla hi a phuah thiam pauhpauh ih
    phuah men hmang ka rak ti.
    A rak si lamlam lo, Pathian hnenah an dil ih Pathian in a rak pek mi a rak si sawn.

    Zion ralkap ti rori cu aw! Tthupttho mai dah.
    A ropi ding. Himi VCD hmang in Pathian in zumtu pawl
    thazangthar pe hram seh.

    Pathuam
    ======

  2. si ngai, chil land zion ralkap hmang in pathian a mi nung pawl din sal in rem that vivo seh.

Comments

%d bloggers like this: