Lazarus Thawhternak

February 19

Zarhpi Ni

Lazarus Thawhternak

Cule ka lo hruai ringring dingih leilung tlun ih thil ttha in ka lo kimter ding. Ka lo damter dingih ka lo cakter ding.

– Isaiah 58:11

Bible Siar Ding: Isaiah 58:1-14

Wales ih ka umlai ah, tlang parah thlacam dingin ka kai. Nikhat sung Bawipa hmaika ih caan ka hman tikah mangbangza A huham cahnak in in thuam ih ka thazaang a cakter.

Hih hlan a liamcia kum hnih lai ah, Wales ihsin tlangval pahnih kan inn ah an ra thleng. Anmah cu tlangval note an si nain Pathian duhzettu an si. Kan mission hnattuannak hmun ah an tel ve ih Pathian kutcak ih hnattuanmi pawl an hmu. In simmi cu, “Bawipa in kan umnak Wales ah a lo hruai ih kan Lazarus na kaitho saal asile tla kan mang a bang nawn lo ding,” ti a si. In simfiangmi cu an kawhhran hruaitu pa cu sun ah thir laihnak khur sungah hna a ttuan ih zaan ah thuthangtha a sim. Cuti’n a cau ih TB (tuberculosis) natnak a ngah. Kum li sung rori bawmtu nei lo dinhmun in a um ih rawl hman midang ih barh cop ttul dinhmun a si.

Tlang parih thla ka camlai ah Bawipa in, “Va feh in Lazarus va thoter aw,” in ti. Ka thlacampi mipa hnenah Bawipa hnenih ka theihmi aw cu ka sim. Hmunrawn kan thlen tikah postcard ah “Tuni tlang parih thla ka camlai ah Pathian in feh in Lazarus kaitho dingin i fial,” ti’n ka ngan ih ka kuat. A hmun ka thlen tikah postcard ka kuatmi pa hnenah ka feh. I zoh ih, “Himi hi i kuatmi si maw?” in ti. “Aw” ka ti. Ka zum ding ti’n na ruat maw? Hngeh, laak saal aw” in tiih postcard cu ka hnenah a rak sep.

A hnen-um pawl a ko ih, “Himi pa hi Lazarus hnenah hei hruai uhla va hmu seh” a ti. Cule ka hnenah, “Lazarus na hmuh vete’n inn ih tlungkir saal dingah na raalring ding. Zianghman in hih hmun ah a lo umter thei lo ding” i ti. A simmi ziangkim hi minunglam thlir daan cun a dik thluh. Cupa cu bawmtu nei lo, a ruh parah a vun in a khuh fangfang. Nunnak ruahsan ding a um lo. Ziangtik a thi ding ti rori hngah cuahco menmi a si.

Minaa pa hnenah, “Na au thei maw?” Jericho ah mipi an au ih phardawl a min kha na ciing si lo maw? “Pathian in cumi vek nehnak a lo pe thei, na zum asile” ka ti.

Pathian thu cu a pelh dah lo timi thu zir ngahtu cu mi thluasuak an si.

Minung ruah daan in zianghman thil a ti suak thei lo. Pathian in thu pakhat a sim asile cumi cu na zum a ttul.

@ Smith Wigglesworth

(Visited 26 times, 1 visits today)

Comments

comments

Comments

%d bloggers like this: