Lawngsung Ih Miruang Hawl Rero Lai

BBC | January 19

Theihcia zo vekin kandung zarh tlawngkai ni 5 ih Italy ramih nawmcen nak lawngpi pilih mithi theihfiang micu 7 an siih, midang 24 pawlcu an thih leh an nun leh an dinhmun  theihnak umlo in an hlo laiih  hawl rero lai an si.

Himi Lawngpi hi Costa Crociere Company ta a siih, a sungah minung 4.200 an umih cumi sungah lawng hnattuan minung 983 an si.  Hi lawngpi hi Italy ram khawpi Rome kiangih lawngcolhnak hmunpi Civitavecchia ihsi Mediferrenean  tipi kap tluanih hmun dangdang zohkual vivo dingih fehsuak a siih, Giglio tikulh kiangte tipi thuanthum kap tihnuai ih lungto tumpi a ttaih ruangah a letzikih a pil ngah ngaingai lonan pilzik vekihlet riairiai a si.

Iran In Arab Ram Pawl A Hro

Himi lawngpi hi ziangruang bikah a caangsual timi fiangtei theihnak a umlo nan lawng neitu Company pawlcu a mawngtu Capt,  Francesco Schttino kum 52 micu  Company in lawng himnak dingih dan a tuahmi thlunthalo ah an puhih, lawngsungih minung pawl an runsuak lai khalah  a hmaisa bikah a mahbik a tlansuak tiah an sim, Asinan lawng mawngtu Capt, Francesco Schttino cun tipi hnuaiah  lungto a um timi thu ka dawnglo hrimhrim tiah asimih, lawng sungih minung pawl an runsuak nakah neta bikih a suahthu khal a simve.

Tui dinhmun ih minung 24 hlolai pawlhi US, Germany, France leh Iatly ram mipawl an siih, runsuah nak hnattuan tu pawlcun  lawngsungih pindan luhkim thluha ttul ding ruangah runsuaknak hnahi duhvekin a ttuancak theihlo tiah an sim, Himim lawnghin Zineen Oil ton 2.000 lenglo a phurih tipi sungih a put pang a silen tipi sungih rannung leh a kiangkap ih minung pawl hrangah harsatnak  tampi a thlen thei ding tiah an phangzet.

(Visited 45 times, 1 visits today)

Comments

comments

Comments

%d bloggers like this: