Lawng fate ih um Raltlan mi 198 sar lala – Indonesian Navy

Jakarta – Indonesian Navy pawl in Kawlram ih Rohingya miphun, Thailand, Aceh ramkulh tipi thuamthum sung, lawng fate ih mi 198 an tanta mi cu an ruun suak. Hi pawl hi Sabang tikulh ih Rohingya miphun mi 193 an ruaksuah hnu ih a voi hnih nak ruun sal mi pawl an si.

Hi lawng fate sungih a um pawl hi December thla ih Kawlram ihsin lawng fate 5 ih a tlan mi raltlan mi 525 pawl lakih mi an si.

Ni 21 lenglo hi lawng fate sungah an um zo. Ni sarih sung Rawl lo le ti lo ih an um ruangah mi 22 cun annunak a cem phah zo ih a dang mi 20 pawl khal Zato lamah feh pi an si.

Indonesian foreign minister in hi ruun suah mi pawl hi Kawlramih an kuat sal tum thu asim. Amahlawngte Kawlram a cozah in Raltlan ih a um tupawl tuahmawh lo dingih thu an tiam ta tul ding a ti. Rohingya raltlan pawl in Kawlram ih kuatkir lo dingin an ngen ve.

Raltlan pakhat ih asim nakah cun ka inn le lo ka tlansannak cu Kawl acozah in Budish ih luh dingin lotheih lo ih in fialnak ka duh lo ruangah ti.

Indonesia a cozah cun ramthu khel ruangih raltlan an si lo, pursumnak (economic) ruangih um an si an ti.

Kawlram acozah in Muslim Rohingyas miphun pawl hi hmun neilo tiin le Bangladesh mi nan si tiin, san 2 lenglo Arakan ih an um hnu khalah a rammi sinak a pe duh cuang lo.

Rohingya 1000 lenglo Thai a cozah in hmuhsuam zet ih kan dung kar ih hleiah tipi ah lawng fate in an feh ter. Mi 650 lenglo cu an hmusuak zo.Kawlram a cozah le Thai a cozah khal hiti ih an hremnak ruangah soisel an hlawh zet.

Comments

comments

Tags:

Comments

%d bloggers like this: