Lamzin Pi Lengah Pial

August 4

Tlawngkai Nithum 

Lamzin Pi Lengah Pial  

Siar:

Saam 63 

Maw Pathian, nang cu ka Pathian na si ih nangmah ka lo ngai. Ka nunnak pumpi in nangmah a lo ngai a si. Leiro, leicaar le tidai um lonak leilung in tidai a haal vekin, ka nunnak in nangmah a lo haal a si.   – Saam 63:1 

Kumkhat Sung Baibal:

–   Saam 66-67

–   Rom 7 

Van saang ngaipi ah milai tel loin aa-ka-tah-zin (probes) lawng thlah ih a feh theimi khi tuni tiang ka ruah tikah ka khuaruah a har nasa. Asinan Mars timi planet pakhat ah thleng dingih kahmi aa-ka-tah-zin pakhat cu ni helnak lamzinpi par ihsin dirtu tha pakhat ih dirhnak ruangah lamzin pial bang sehla zianghman tthathnemnak a um lo ding. Cuvek cun kan nun ah tla thil um theimi a si ruangah raalring uh!           

Jesuh in a dungthluntu pawl a kawh tikah an thinlung takin duhzet ih thlun ding a duh. Amah thawn naih sinsin dingin khualtlawnnak thok ding in duh sak. Asinan caan tampi ah kan fehnak lamtluan ah kiang le kap thilri pawl in kan thinlung in laak. Cutikah Amah kan thlun rerolai kha kan cawl tahrat ih lamzin ah kan taarhak, lung diriam thei loin kan um ttheu.           

Saam 63 cu lamzinpi ihsin a pial ih lamzin dik lo a zawhtu pawl hrangah damternak a si. David in Pathian dung a thlun tikah amah lawngin a thinlung di a riamter thei ding ti a thei. Ziangahtile, “Na duhdawtnak cu nunnak hnakin a sunglawi,” a ti (c.3). Pathian mit-hmuh ih lungawinak cun ziang hmuahhmuah a ttuan ttheh. Ihkhun tlun ah ka zau tikah nangmah ka lo thei, zaanvar te’n Nangmah ka lo ruat (c.6) a ti. Lungawinak ngaingai cu hmun hlatpi ihsin Pathian thangtthat men si loin nasazet ih Amah thlunnak in a si timi David in a thei. 

Lamzin dik ah kir saal in Pathian thawn naizet in feh tlang uhsi!  – Joe Stowell       

       Khrih thawn pawlkomnak sungih feh dingah,

A duhdawtnak dik le thuk zia thei ngah in;

               Kan thlarau cu lungawinak sangbik thleng dingin,

Leitlun thil ziang hman in a tuah thei lo.  – D.De Haan 

Pathian thawn nan naih aw sinsin tikah,

nan karlak ah thil dang umnak hmun a mal sinsin.

                       

 

 

(Visited 28 times, 1 visits today)

Comments

comments

Comments

%d bloggers like this: