Lamzin Khrihhmuhnak Thil

September 21

Tlawngkai Nihnih 

Lamzin Khihhmuhnak Thil 

Siar:

Isaiah 30: 15-22 

Thlarau Thianghlim a run tik ahcun Pathian thudik langtertu a si ruangah thudik hmuahhmuah ah a lo hruai ding.   – John 16:13 

Kumkhat Sung Baibal:

–   Thusimtu 7-9

–    2 Korin. 13 

Vanzam mawngtu in point A ihsin point B ah ziangti’n a thlengh thiam timi thu na ruat dah maw? VOR (Omnidirectional Radio Range), a tawinak in VHF timi 1950 kum hrawng ih an tuahmi vanzam, tinbaw, mawttaw tivek pawl ih fehnak lamzin khihhmuhnak thil an hman ruangah a si. Tuih san tiang khal ah vanzam tampi in an hmang lai. Hih thil in vanzam mawngtu kha a lamzin a peng maw peng lo timi a theihter.      

Profet Isaiah sanlai ah Israel mi pawl khal rinsan tlak VOR, lamzin khihhmuhnak thil an rak ttulzet. Pathian Amah rori in an hrangah cuih thil si a duh. Hmanseh Pathian ih raalrinnak pekmi ngai duh loin Izip thawn lungkimnak sachuk an tuah (Isai. 30:1-2). Asinan Pathian in an lamzin hmuhtu si leh dingin thu a kam hngai. “Zin nan hlo ih vorhlam le kehlam ih zinpeng nan zawh tikah nan dunglam ihsin a aw cu, ‘Hi tawk in feh uh; hinah lamzin a um,’ tiah a timi nan thei ding,” (c.21) tiah Isaiah in a ti hngai.      

Khristian pawl cu lamzin khihhmuhnak thil kan sungah kan nei. Jesuh in kan sungih a nungtu Thlarau Thianghlim cu thudik ah in hruai dingin a thlah (Johan 16:13). Na fehnak ding lamzin khihhmuh na ttul ahcun nangmah le nangmah rinsan aw hlah. Pathian ih VOR lamzin khihhmuhnak thil kha hmang aw. Lamzin dik ah a lo hruai ding.     – C. P. Hia 

Thlarau in nunnak huham in pek,

Bawipa lungawitertu nunnak;

In hruai ih lamzin in khihhmuh,

Pathian Ttongkam thianghlim sungin. – Sper 

Thlarau Thianghlim cu lamzin in khihhmuhtu a si.

Comments

comments

Comments

%d bloggers like this: