Lamzawh Tlawngta Pawl Yangon An Pan Ding

Tlawngta LamzawhnakPhunsang tlawngta pawl cun, an dilmi ni 60 sungah acozah lamin zianghman thuhla a um lo ruangah lamzawhnak an thoksal thlang. Mandalay, Monywa, Daway, Pakhukku pawl ihsin phunsang tlawngta pawl cangvaihnak an thok ih Yangon ah an tongkhawmaw tum.

Monywa le Daway ihsin tlawngta pawl cu January 21 ni ah motor thawn Yangon lam pan in an pok zo. Pakhukku kawpi ah January 23 ni ah an tongaw ding ih Yangon an pan ding. Mandalay ihsin tlawngta pawl khal January 21 ni an pok ve ih Kyukse phunsang tlawng hmaiah Fimthiamnak Daan Duhlonak thuhla pawl, lam an zawhnak san pawl simfiangnak tla an tuah phah.

January 22 ni ah Myitta ah an fehlan ding ih Mandalay-Kyukse-Mingyan-Pakhukku-Magway-Pyay khawpi pawl ihsin phunsang tlawngta an beet vivo ding ih Yangon ah tohmun in duhlangternak nei ding an tum. Himi thuhla ah Myanmar phunsang tlawngta pawlkom ihsin tlawngta 100 hrawngin pumpe in Mandalay ihsin January 20 ni ah an thoksalnak ihsin an peh vivo mi a si. (Ref: Mizzima, Hruaitu)

(Visited 343 times, 1 visits today)

Comments

comments

Comments

%d bloggers like this: