LAMDANGZET IH THUAHMI

January 18

Zarhpi Ni

 

Lamdangzet ih Tuahmi

 

Siar:

Saam 139:7-16

 

Ttih umzet le lamdangzet ih in tuah ruangah ka lo thangtthat ding.

 – Saam 139:14

 

Kumkhat sung Baibal:

          Seemtirnak 43-45

          Matthai 12:24-50

 

George Macdonald ih cabu sungah David Elginbrod in Pathian in ziangruangah hiti vekin in tuah, tiah a mangbangmi le midang pakhatkhat si sawn sehla ti a duh thu pawl mi hnenah a sim.

 

Emly in, “Margareth, nangmah sita ningla ka duh ding so,” a ti.

 

Margareth in, “Kei cu nangmah si bang sehla Pathian in tuah dingih i hrilmi hnakin a sersiammi lakih sunglawibik si ding ka duh sawn. Pathian ih ruat cia vekin kan suak, a tuahmi kan si. A duhdawt mi lamdang le mankhung mi kan si,” a ti.

 

Macdonald ih thinlung sungah Saam 139:17 a um thei men: “Maw Bawipa, na ruahnak pawl ka hrangah a thukzia hi!” Hih Saam Hla sungah David in Pathian ih a sersiam daan le a duhdawt zia a sim.

 

Tuah sual pang mi kan si lo, lamdangzet ih tuahmi kan si. Pathian ih theih cia in suakmi kan si thu theih a ttul. David in, “Ttih umzet le lamdangzet ih in tuah ruaangah ka lo thangtthat ding. Na tuahmi hmuahhmuah hi khuaruahhar mangbangza an si,” a ti (c.14).

 

Pathian ih a lo tuahmi vek cekci in na si, a duhdawtmi, a danglammi le Pathian hrangih mankhungmi na si.

 

Sersiammi zate lakih mankhungbik,

Milai ih mankhunzia tahtthim ding um lo;

Pathian ih pianhmang kengih sersiammi,

A tumtah vekih khuasa dingah.

 

Na ti thei tawkin Pathian sunlawiter dingah ruangzing mi na si.

 

Comments

comments

Comments

%d bloggers like this: