Laitlang ih um Boihte hrangah

Laitlang ih um Boihte hrangah

(Or)

For Strengthen many girls who are living in Chin state

 

Tlangtluan pawlcu kailawn vekin a dotdot te te’n a umnak tlangtluan.!!!!

Tikcu hman te’n theirah pawl tla duhum zet ih anrah theu nak ram..!!

Crihti thiangte a luan theunak le,zilthli nemte a hran theunak ram nuam!!!

Saram phun kimthawn, Eden human iang in a mawi in a nuamnak ramtha le ramnuam

Cui tlangtluan cu – Laitlang

Cui ramnuam cu –  Lairam

Cui tlangtluan leh ramnuam ih a um tu Boihte na dam maw? Na um nak Lairamteh adam lai komaw?

Crihti thiante teh aluang lai maw? Zirthli nemte a hran caanih a rim thaw zetmi Faizong (Cherry) leh

Sokhlei, Senhri le pawlteh an par lai komaw?

Bohte… tlangzim leh kham lak ih ka lo tot sak theu mi pangpar pawlteh an par lai maw?

A caan caan ih van tlakzik bang a awn theumi cang cimawn leh a thim riai riai mi van ihsin zangfahnak nei lo zetih atlak theu mi ruahpisia, tih anung zetmi Tlektlak awn leh a rapthlak zetmi nimthla kau le thlisia pawl !! Kei valpa in zangfah ka lo dil hngai!!!!!!!!!!!!!

Boihte umnak Lairam ihsin a hlatnak ah fehkiang thluh hramuh. Boihte nih khavek awn kha a tihtuk theu. Zangfah te’n hrem nawn hlah uh..

Aw…….. Boihte umnak Lairamte mawi ter tu Faizong (Cherry) te aw!!!!!

Lairam khawthal in a lo man hlanah  parsuak thlang aw maw. Lairam khuathal in aloman ahcun parsuk man lo in na ziam pang ding. Par zangaw maw…… Boihte nih alo ton hiar tuk thlang.

Ka tlunih thlapi aw…… Boihte umnak Lairam te kha hrial pang hram hlah maw…..

Boihte umnak ah Electric a har deuh ruangah natleunak lawng a hngakhlap theu sokhaw..

A lo phen theutu cumci le mero pawltla akiang cing thlang ding……!!!!!!

Lairamte kha hrial hramhlah maw Cung Thlapi

Boihte na thinnau nawn hlah aw………………….

Lairam leh na hrangah Nitleu mawi te a suak cing ding. Khua a vang zo, ni tleu mawi leh hlumnuam te a suak cing ding. Boihte…. tho thlang aw, ar an khuang zo. Hrah thlang aw la na hmaiphiah in thlifim tla hawp aw…

Zanih Na Mangsia Pawl Kha Hngilthlang Aw Maw..

Nitleu mawite a suak cing ding, Hi Nitleu In Thazang Cahnak Alo Pekko Ding.

Boihte…… neta bikah nahrang leh na um nak Lairam hrang ah thlaza kan lo camsak theu so khaw

Ni khatkhat ah kan thlaza camnak a kim ko ding ti mi ruahsannak tumpi ka nei so kaw Boihte.

Salai Kabaw Deirel

(Visited 51 times, 1 visits today)

Comments

comments

4 Comments

  1. Hi vek si lo tuk tuk tar hlah! Mipi siar tlak a ti lo.

  2. zg tin k tlun ih rak comment pa cu aw ??? a sia lam zawng na hmu theu a bamg ding ual..!
    har tak in, mi nih ca an ngan mi khi ol ai tak ten hnawl sak men dg si lo hkw.
    zg mi an duh san?zg ve style in ca an ngan? ti mi pawl tha ten zoh le ruat sak thm sawn a tul khw. mi tam pi nih tu lai ah cu post modern pawl tan an uar tuk cu, hlan kn siar theu mi normal te ih ca ngan mi vek pawl.., story vek ih a dawt2 ten feh an si nawn lo ti kha rak th aw la lo duh pi khawp mei.

  3. Mi pa khat in ca a ngan tikah ziang mi tumtah nak (purpose) a nei ti mi hi a thu pi zet mi a si tin ka ruat. Um har phen ii ngan mi men cu a si lo ding ih , Lai ram hi ziang vek in a hmu ti mi le Lai ram ih Fala (girls) pawl zian gvek in anum ti mi pawl si seh, lai ram ah ziang vek in har sat nak a um ti pawl hi a ngan duh mi a si sawn lo pei maw tin kei cun ka ruat .

  4. A se lam zawng in ka sim lo.
    Web vekih tarlang dingah hi vek ca cu a tlak lo.
    Mpi theih tlak le siar tlak lawng hi tar a tha.
    Bulpak feeling le duhmi dangdang cu mipi hnen ah tarlang lo a tha.
    (Style zawng le thil dang tampi cu ka thei lo ding,asinan zo ka si ti cu ka lo sim lo mei ke….)

    All the best!!!

Comments

%d bloggers like this: