Lairam Suak Lungto

1011378_603061469728707_972318204_n

Salai Chinsuh

Lairam ih suakmi lung cu inn tlun khuh, nauhak hman ding calung le cafung ah an hmang tambik. Lungdum le sendup tiin phunhnih asuak. Leilung zohthiam pawlin lairam ih lungto cu a kum no mi asi an ti. Lairam ih Tonzang Tedim le Falam peng ah lungpheng asuak. Lairam ih suakmi Lungdum le lungsendup cu lung laknak hmun “lungkua” sung ihsin lak suahmi an si.

1980 tluk ihsin thok in kan pupa pawlin lungpheng lak an thok ih inn khuh ah an hmang thiam. A rei deuh vivo tikah a hman an thiam vivo. Tedim peng Limkhai in lungpheng tampi asuak. Falam peng Zawlnu ram le Tlortang ram in lungpheng dum tampi asuak. Lungsemdup cu Tedim peng Gamngai le Tonzang peng Lamzang, Takzang, Phaitu le Salzang khaw pawl ihsin tampi asuak.

Lungpheng cu lei sung ihsin an lak hlan in a cincia ruangah a nemih tan aol. Thlatang khawsik can le Thal can a sat can khal ah lungpheng khummi inn cu adai ih umnak a nuam ngaingai.

Lungpheng Hmannak

1) Inn ah an hmang.
2) Khawsuah ah lungphun ah an hmang.
3) Inn kulhnak ah an hmang.
4) A sah deuhin an phel ih inn tual ah an phah. (Lungdang).
5) Kuakvut retnak khuat, cabuai tlun ih cahnah nennak ah an hmang.
6) Thlan ih phunmi thinglamtah ah an hmang ih siat ahar.
7) Tikhur le tikuang ah khal an hmang.
 Cafung le Calung khal ah an hmang.
9) Lungsen ahnak vut cu biangbop tikih hnih dingah atha.
10) Lungsen ahnak vut cu inn sihnih dingah atha.
11) Lungsen le mirang leilung( cement) erh asile afek zet.

Lungsen hmanmi khua

1) Inn ah Tedim, Kalaymyo, Khampat le Yangon khawpi ah an hmang.
2) India ram ah khanlungphun dingah an phur.
3) Khanlung le inn dingah siseh Falam, Hakha, Thantlang, Matu khaw pawl ah an phur.

Ref.
1) AD 2000 Jubilee, Gamngat khua , Magazine Page 44-48.
2) Chin Magazine 84-85 Page 102-104 .

(Visited 183 times, 1 visits today)

Comments

comments

Comments

%d bloggers like this: