Lailun Nu Pawlkom Melbourne hnatuannak

Lailun Pawlkom Nu Pawl le an nauhak kumkhat  kimnakLailun Nu pawlkom Melbourne hi Lailun Pawlkom Melbourne hnuai ih pawlkhat si dingin  28 July, 2008 ah din thok a si.

Ramleng suak nauhak le community hrangih tthat hnemnak an neih theinak ding ruahsannak tumpi thawn rak din mi khal a si. Nu Pawlkom asivek in nauhak kaih hruainak lam ah nasa zet iin hmalaknak an nei. An hruaitu pawl cu;-

Co-ordinator : Nu No Than Thluai

Secretary : Pi Hlawn Nei Sung

Education In charge    : Nu Sui Nuam Thluai

Handicraft In charge   : Pi Hlawn Bawi

Treasurer : Mai Cung Thluai, pawl tla an si.

Nauhak pawl nuam awknak neitum laiAn tumtah bik mi lakih pakhat cu fa le pawl hnen ih Chin/Lai nun phung an hngilh lonak ding ih cawn zirh that le kut hna ttuan lam ih thansonak pam vivo a si.

“Mi tthenkhat cun mirang ram ahcun kut thiam neih kan ttul lo, ei hawlnak ah hman a tlak lo kan ti men thei. Chin mi kan sinak ih sin kan bang ih hnam dangah kan cang ding kan ti ceng lo ahcun kan nu le kan pa pawl in kan Chin thuam ziang vek in an rak tuah ih ziangvek in thiam an rak tah, ziang vek in thil an rak phiar ti hi kan fate in an theih tluh a tul.”tin nauhak zirh tu leCo-ordinator Nu No Than Thluai cun CT palai hnenah a sim.

‘Mai nunphung le sinak kan thei lo a siah cun mi in ziang tluk in-in nautat ding tihi kan ruah a ttul’ ti khal cun a sim bet.

Nauhak pawl Laica zirnak 2 August 2008 ihsin an nei thok ih Nu No Than Thluai, Mai  Cung Thluai le Pi Hlawn Nei Sung pawl in taimak suah in mawh phurhnak in zirhnak tuni tiangin zarhte ni tinte le an tlawngcawlh tinte in zirhnak an nei. Laica lawnghman zirh lo in Kawlca khal zirh tel cih a si.

(Visited 64 times, 1 visits today)

Comments

comments

One Comment

  1. A ta zet si

Comments

%d bloggers like this: