Lai Kumthar Puai Leitlun Ramtin Ah Hmang

Chinland Today
21 October 2012

Melbourne: Chin mi pawl cun Lai kum thar puai cu sunglawi zet in ramtin kip ah an hmang. Melbourne, Australia nisuaknak ih um Chin mi pawl khal in Australia Chin Community (ACC) pawl ih hohanak in an hmang. Mi 500 lenglo in an hmang ih zaihlasaknak, thutawi simnak pawl khal an nei.

Malaysia Chin beunak hawl pawl khalin Falam Pawlpi Malaysia ih hohanak in an hmang. Zaihlasaknak le mimawi zuamnak khal an nei. Mi 700 – 800 lenglo in hlunghlai zetin an hmang. Mai Kip Nei Cung in mimawi zuamnak mi 8 pawl lakah mawibik sinak a ngah. Laisang thawn a rasuaktu mipi pawl khal rawl an rak dar.

‘Kan Lai kumthar cu a nuam zet, hivek ramleng beunakhawl ih kan um lai caan, tikcu tepter ih kan um laiih kan hmang hi a sunglawituk’ tiin Malaysia Laikum thar ih teltu Siangte cun CT a sim.

Australia ih an hmannakah Dr Hla Aung, Generl Secretary of Chin Association, Principal of Chin Christian College rak quandah tu, tu ih Global Chin Christian Fellowship sunquan khal in a telpi. David Hodgett MP member of Kilsyth le Mr Chin Tan, chairperson Victorian Multicultural Commission, Hon Ryan Smith MP, member for Warrandyte minister of Environment & Climate Change Minister for youth Affair pawl khalin telpinak an nei.

Victorian School Of Language ihsi Hakha ca zirtu tlawngta nauhak thiam hlei pawl lawmman peknak khal an nei. Ottawa, Canada ih um Chin mi pawl khal in October 27, 2012 ah hman an tum ve thu CT hnenah Salai stevensan cu CT a sim. Adelaide pawl khalin October 27 ni ah hman an tum ve ti khalin thuthang kan thei.

(Visited 71 times, 1 visits today)

Comments

comments

Comments

%d bloggers like this: