Kutza Zongza

12805651_1042363959154221_2668119001708036258_nSianglianuk Kianghrol

Vei khat lai ah, America President cu khawpi sung dinhmun le boruak zoh in a vak. Hmun pakhat a thlen tikah ralkap bur khat in lamzin khamtu thing hngettek tumpi pakhat thiar tthawn an tum lai a hmu.

Ralkap Sen Hnih cu lamzin sir ah a ding ih, hnattuantu ralkap pawl cu an tha suah sinsin ding in a fial rero. Asinan ralkap pawl cun thing hngettek cu an tthawnter thei lo.

Cu lai ah mikhual pakhat cu rang to in a ra thleng ih, ralkap pawl ih buainak cu a hmu. Cutikah Sen Hnih pai’ hnen ahcun, “Va bawm awla cun an tthawnter thei ding. Ziangah na va bawm lo?” tiah a sut.

Sen Hnih pa cun, “Cumi cu ka hnattuan a si lo. Sen Hnih ka si. Anmai’ hnattuan a si ih, an ttuan a ttul,” tiah a sawn.

Cutikah mikhual cu malte hman tthuktthun lo in a rang par ihsin a ttum lohli ih ralkap pawl cu a va bawm.

Cutikah thing hngettek cu an tthawn thei. An ttheh tikah mikhual cu a rang par ah a kai sal. Cu thluh in, “Lehhnu ih thil rit nan tthawn tum can khal ah bom nan ttul asile Ralkapbu Thupetu Sangbik (Commander-in-Chief) rak ko ttheu uh,” tiah a sim ih a feh liam.

Cumi hnu lawng ah mikhual cu George Washington a si ti ralkap pawl in an thei. George Washington cu America President hmaisabik le Ralkapbu Thupetu Sangbik a si.

Hram: Ngantu theih lo ih “The Strength of Group Work.”

(Visited 71 times, 1 visits today)

Comments

comments

Comments

%d bloggers like this: