Kumkhua Thil Thinlung Sungah

July 21

Tlawngkai Nihnih

 

Kumkhua Thil Thinlung Sungah

 

Siar:

Thusimtu 3:9-17

 

Pathian in ziangthil khal sisehla a remcaangmi tikcu a pek ti ka hmu fawn. Sikhalsehla a liam zomi caan a um ti le a ralai dingmi caan a um ti cu minung in a thei nain, Pathian in ziang a tuah, a hramthok ihsin a netnak tiang ziangso a tumtah ti cu a thei thei lo. –Thusimtu 3:11

 

Kumkhat Sung Baibal:

–   Saam 29-30

–   Tirhthlah 23:1-15

 

Veikhat cu Alaska Lawng cawlhnak ah khua mawinak ka cuan. Vandum khatlam raal ah tipithuanthum cu tisuar vaar in a hnaihnokter. Ka hmuh fiang lohli saalmi cu tisuar vaar ka timi kha a rak si lo, tiva tlang ihsin pi 50 hnakih hlat deuhnak ih ummi Vuilahnga (Whale) a si. Midang khuacuan vetu pawl thawn ka ding ih thawmvang kan ngai laifang ah Whale ngapi a ra suak.

 

Mikip ih thulehnak ding hi Thusimtu in a thei thluh. Sersiammi ih mawinak a thinlung ih a khum hnu ah, Pathian cun “Minung thinlung cu kumkhua thilthu a um timi a thei (Thusimtu 3:11) a ti. Milai nunnak ih hmuhtonmi sungah hih Bible ca hi a fiangzetih Pathian thawn pehpar in malte a lang. Kan thinlung sungah biaknaklam ih zirhmi hnakin phundang ihsin kumkhua thuhla pawl kan thei thei sawn a si.

 

Thusimtu in hih leitlun nun hi kap hnih in a sim. Kap khat cu tisa nuamnak a siih kan duhzetmi le ngah dingih kan zuam reromi a si. Hmanseh cuih nomnak pawl cu diriamnak ngaingai in pe thei lo ti theihnak in kan thla a phaang. A dang kapkhat cu thinlung laklawh tertu leilung hi kan hrangah a tumtuk. Kan tawpnak ding ri theithiam in Pathian Uknak hnuai ah kan um lo ih, thil ttha hmuahhmuah petu kan rinsan lo ahcun riahsiatnak in kan cem lan ding.

 

Dai zirziar awnmawi pawl lakah,

Pathian ih aw diimte a thangmi;

tthangaite ih na ngai lawngah na thei thei ding,

Bawipa cu cunak a um a si.

 

Tuni hi tthazet ih na hman theinak dingah,

na thinlung sungah kumkhua thil ret aw.

(Visited 22 times, 1 visits today)

Comments

comments

Comments

%d bloggers like this: