Kumkhua Puithiam

January 22

Tlawngkai Nihnih

 

Kumkhua Puithiam

 

Bible Siar Ding: Hebru 7:11-28

 

Jesuh cu kan ttulmi a kimter theitu Puithiam Sang a si. Amah cu a thianghlim mi a si; sualnak le mawhnak a nei lo; misual pawl hnen ihsin ahran tein tthen a si ih van tlunah cawisan a si zo.

–         Hebru 7:26

 

Agent pawl cu cangvainak, lehpannak le casuahnak tivek ah an thupizet. Hih “lailak milai (middle men)” pawl cu anmah pantu an milai pawl (clients) ai-awh in hnatuan neitu (employer) hnenah hmun tthabik ngah thei dingin hawl saktu le tawlreltu an si. Pathian in middle men danglam: puithiam sang cu khuahlan Israel mi sungah a ret. Mipi ih thlaraulam hruaitu an si bangin mipi hnenah Pathian ai an awh, ih A Daan pawl an zirh. Mipi pawl ai-awh in Pathian hnenah sual-raithawinak an tuah sak.

Puithiam Sang cun mipi hrangih raithawinak a tuah zik ah pum apnak, thianhlimnak le hriakculhnak thawn timtuah awknak a neih hmaisa a ttul. Cun amai’ sualnak hrangah raithawinak a tuah hmaisa a ttul. Cumi hnu lawngah Biakinn sungih hmun thianghlimbik ah a lut thei. Cutawk ah, Thukham kuang (Ark) parah rannung thiisen a theh dingih an sualnak aiawhtu ah a tuah ding. A thih tikah midang pakhat hril tengteng a ttul.

Jesuh Khrih cu kan Puithiam Sang a si. Amah cu sual nei lo a si ruangah amai’ hrangah sual raithawinak neih hmasa a ttul lo. Cu ai ah Amah le mah cu sual nei lo raitluan a thiisen in kan sualnak hrangah rai in thawi sak a si. Kan neihmi hi puithiam sang pakhat men si loin Puithiam Sang nasabik a si. Amah cu kan kumkhua puithiam a si ih a ai ah midang a ttul nawn lo.

 

Bawipa Pathian, Nangmah thawn remdaihnak tuahtu Puithiam Sang famkim Jesuh Khrih in pek ruangah ka lungawi.

Jesuh cu ka kumkhua Puithiam Sang a si ti ka theihnak in Pathian ka pan tikah ziangvek thlangamnak in pe?

 

@Ava Pennington

Comments

comments

Comments

%d bloggers like this: