Kumkhua hrang Tumtahnak

November 14

Tlawngkai Nithum

 

Kumkhua hrang Tumtahnak

                                                           

Bible Siar Ding: Efesa 3:1-13

 

Cumi cu kumkhua tumtahnak a neihmi vekin Pathian in

kan Bawipa Khrih Jesuh sungin a kimter a si.

–         Efesa 3:11

 

Pathian ih “kumkhua hrang tumtahnak” cu ziangso a si? Cumi cu ziangmi a si ti kan thei thei pei maw, asilole cumi cu theih thei lo dingmi thuthup so a si?

Pathian cu tumtahnak nei lo ih um a si lo. Pathian ih sinnak cu ziangmibik a si ti langter lomi (pointless) le sullam nei lomi (meaningless) zianghman a um lo. Ziangtinkim a tuahsermi le ziangtinkim a cantermi hmuahhmuah cu tumtahnak pakhat hrangah a si. Lei le van a sersiamnak, minung pawl anmai’ duhhrilnak in sual tuah theinak a peknak, Israel miphun cu Amai’ minung bulce dingih a hril duhsannak, kanmah rundamtu dingah leitlun ih Messiah Jesuh a run thlahnak – cumi pawl hmuahhmuah thilcangmi zate cu pakhat lawng a simi, thutak a simi, a nungmi Pathian Amah lawng in Khrih thawngin sunlawinak le upatnak a zate’n co theinak dingah a si.

Kannih zumtu pawl tla hih thilcang reromi sungih kan telnak thawngin thluasuah kan co bet vingvo thei a si. Kan nunnak pumhlum in Amai’ thuneihnak sungih kan aap awk thluh (surrender) tikah, a zaangfahnak (grace), a ngilneihnak (mercy), le a ngaidamnak (forgiveness) thawn sunglawih in a um sinsin a si. Pathian in kan rundamnak hrangih a run thlahmi A Fapa Jesuh cu Rundamtu ah cosang duh loih a eltu (refuse) pawl hrang ahcun Pathian cu a thianghlimnak (holiness), a dingfelnak (justice) le a thutthennak (judgement) pawl langter in A sunlawinak a langter thotho a si. Himi lamzin pakhatkhat hmangin Amah cu sunloih a si ringring ko ding.

Pathian cu a liam cia caan ah hna a rak ttuan zo, atu laifang khal ah a ttuan rerolai, ih a ralai dingmi caan ah tla A hmin thianghlim sunlawinak ding “kumkhua tumtahnak” (eternal purpose) thawn hna a ttuan rero hrih lai ding a si. Kumkhua hrang a tumtahmi pawl cu atak in phuanlang a si ringring ding.

Bawipa Pathian, kumkhua hrang Na tumtahnak sungih ka tel ngah ve ruangah ka lungawi. Ka tuah ka ttuanmi ziangkim hi Na hmin sunlawinak hrang hlir ih a can theinak dingah in bawm hram aw.

Tini ih duhhrilnak ka neihmi hin Pathian ih kumkhua tumtahnak

kha ziangti’n a langter thei pei?

 

@Pennington

(Visited 36 times, 1 visits today)

Comments

comments

Comments

%d bloggers like this: