Kumkhua A Nuammi Ram

 

 

June 10

Tlawngkai Nithum

 

 

Siar:

Thusimtu 12:1-7

 

Ka seentet lai ihsin ka tar tiang, Bawipa in mi-ttha a tlansan ka hmu dah lo. An faate pawl khal rawl diltu  an si ka hmu dah lo.      –Saam 37:25

 

Kumkhat Sung Baibal:

   2Sansiarnak 34-36

   Johan 19:1-22

 

South Carolina ramtthen ih Columbia Baibal College ah president a ttuan dahtu J. Robertson Mc Quilkin in, “Kan tar le kan derdai vingvo hi Pathian ih fimkhur tumtahmi a si” tiah a rak sim.

 

“Pathian in mino ih cahnak le mawinak hi taksa si dingin a tumtah. Asinan tar pawl ih cahnak le mawinak cu thlaraulam a si. A laangte lawng a daihmi thazaang le mawinak cu nuam teten an hlo vingvo tikah khumkhua hrangah a simi cahnak le mawinaklam ah kan thinlung kan hoi vingvo. Cuticun a laangte hrang a simi kan pumsa taan tahrat in kumkhua kan umnak ding inn kan ngai taktak. Kan no, kan cak, kan mawi ringring ahcun taantak ding kan siang lo men thei.”

 

Kan nolai ah rualpi pawl thawn nuamzet in tikcu caan kan hmang tikah van ih kan inn ngai loin kan um thei. Hmanseh caan a liam vingvo tikah sungkhat le rualpi nei lo, khua hmu nawn lo, hnaset, rawl ei thei lo le it thei lo kan si leh thei.

 

Ruahnak ka pek awkmi cu: Paul in 1Tim 6:17 sungah, “Kan nomnak hrangah ziang hmuahhmuah siangzet in in petu Pathian” a ti bangin Pathian hnenah na lungawi aw. Nunnak ih thlatang khawsik caan a cem tikah tthaaltir ah kumkhua um ding kan hngakhlap.

 

Ni hnak in a mawisawn ram a um,

Zumnak in a hla in kan hmu thei;

Kan pa in lamzin ihsin in hngak,

Cuih hmun ah umnak inn in rem sak ding.

 

In tiamkammi vanram cu kan kumkhua ruahsanmi a si.

(Visited 24 times, 1 visits today)

Comments

comments

Comments

%d bloggers like this: