Kum Upatuk Maw?

April 22

Tlawngkai Nithum

 

Kum Upatuk Maw?

 

Siar:

Seemtirnak 17:15-22

 

“Nangmah thawn ka fekter dingmi ka thukam cu himi hi a si: Leilung tlun miphun tampi cithlahtu na si ding,” tiah ka lo kam.     -Rom 12:21

 

Kumkhat Sung Baibal:

   2 Samuel 14-15

   Luka 17:1-19

 

Pathian in Abraham le a nupi Sarah hnenah fapa pek ding thu a kam tikah Abraham cun a zum lo ih hni phah in a sawn, “Milai in kum zakhat ti hnu ah fa a nei thei pei maw? Kum sawmkua a ti hnu ahhin Sarah in fa a nei thei ngaingai pei maw?” (Seem. 17:17)  a ti.

           

Lehhnu ah Sarah khal in hni phah in, “Ka tartuk zo, mipa thawn pawl-aw in nomnak ka nei thei ngai pei maw? Ka pasal le a tartuk zo” a ti ve (Seem.18:12) .

           

Bawipa in thu in kammi tlamtlinter zik sehla kannih tla kan upatuk zo. Kanmah keel in kan um ringring thei lo. Kan thinlung tla a hlan vekin a thlengh awknak a ol nawn lo. Kan taksa ttonttaihnak in mah duhvek ih cangvai thei loin inn ah in umter. Kan san tthatlai ih kan hawlmi le kan ngah ciami pawl nitin te kan cemter rero. Robert Frost cun kanmah te kan sut awk ttheumi cu, “Ziangmi thil in in ttumsukter,” ti a si.

           

Tampi a ttul lo, kanmah kan ttul. Pathian cu kan ruah awk hnakin kan parah tampi hna a ttuan thei. Sarah thu a suh vekin thu in sut, “Bawipa hrangah a harmi a um maw si?” (Seem.18:14) . Um hlah ee!

           

Pathian ih tumtahnak sungah pum kan pek awk a si ahcun A tumtahmi ttuan suak dingih hman dingah kan tartuk hrih lamlam lo.

 

Upa nain hnattuan a cawl lo,

Raal do ding a umlai;

Tha tthum loin a feh rero,

Netabik nehnak a ngah hlan tiang.

 

Pathian in na nun ah kum a lo bet vekin,

na kum ah nun bet dingin dil aw.

(Visited 26 times, 1 visits today)

Comments

comments

Comments

%d bloggers like this: