Kum Upa Pakhat Dinhmun In

July 15

Tlawngkai Nili 

Kum Upa Pakhat

Dinhmun IN 

Siar:

Saam 71 

Maw Pathian, a tar zo ih a ttuak a par aw tiah i dungtun hram hlah aw. A ralai dingmi santhar hnenih na huham le, na cahnak ka aupi tikah ka hnenah um hram aw.   – Saam 71:18

 Kumkhat Sung Baibal:

–   Saam 13-15

–   Tirhthlah 19:21-41 

Kan dung naite vanzam thawn khual ka tlawnlai ah hnattuan phah dingin ka timtuah aw. Ka laptop computer, hard drive, iPod, le a dang tete, kum zabu 21 ih santhar thilri pawl thawn hnattuan ka thok tikah, ka kiangih to kum note pacang pakhat in, “thu pakhat ka sim duh, a ngah maw?” tiah in ti ih “aw ngah e,” ka ti. A thawh ih, “Nangmah tluk putar in santhar thilri pawl lung diriamzet ih na hman thei hi ka hrangah thathawhnak taktak si,” ti’n i lawm. Asinan hmakhatte ah kum 120 lai bangin ka thei aw. Ziangah “Nangmah kumzat in” i ti si pei? ti’n ka ruat thei lo. Kei cu kum 57 lawng ka si hrih.

             Saam 71 sungih, “Atu ka kum zat le cuih hnulam” a timi ka vun ruat. Himi thu in manneizet ih hmanmi nunnak le a tthahnemmi zirnak pawl i vun mangter saal. A tthahnemmi zirnak pawl cu kanmai’ hrangih tthathnemnak a neih lawng si loin, kan hmailam a ralai dingmi san ih tthangthar nonawn (next generation) pawl hnenih peksin vingvo ding a si fawn. Saam ngantu in, “Maw Pathian, a tar zo ih a ttuak a par aw tiah i dungtun hram hlah aw. A ralai dingmi san thar hnenih na huham le na cahnak ka aupi tikah ka hnenah um aw”(c. 18) a ti. 

Curuangah “keimah kum zat” timi cu thil sia a si lem lo. Pathian huham le cahnak hmailam san thar ih fehpitu ding Khrih dungthlun raalkap hlun ti ih upatnak a si sawn. Cuti’n anmah hrangah thathotertu taktak kan si thei ding.   – Bill Crowder 

Pathian zumtu mi hlun mi thianghlim pawl,

Tuih ni santhar mi hrangah fehnak lamzin an rak sial;

Raal tampi an rak tong ih an rak do,

 Thudik le thuhman an fimnak in zirh.   – Branon 

San thar nonawn pawl hrangah laksawng tthabik cu,

Kum upa pawl hnen ihsin zohthimtlak thil ttha hi a si.

Comments

comments

Comments

%d bloggers like this: