Kum Thar Aanka…Editorial

Untitled

Chin mi in santiluan zirin ṭhansohnak a phunphun thawn kan ṭhangso vivo. 2003 ihsin rak thok mi Chinland Today khal kum 10 lenglo mipi hnenah a dikmi, ransantlak mi thuthang, thuhla thlirnak a phunphun le a dangdang thawn cat banglo in kan mipi pawl hnenah thuhla thannak a rak nei.

Kum thar 2014 kan thleng leh ta! 2008 ihsin nitin Chinland Today website ih kan tuah hnu; Chinland Today nitin a lengtu, ngainatu zate parah lungawinak simcawklo kan nei. Thazaang in peknak, ruahnak, fakselnak pawl in pek mi kan hmuh tikah kan lungawi a si. Hmailam caan khalah in rak pek vivo ding khal kan lo ruahsan fawn.

Leitlun ramtin ih a thleng mi Chin mi pawl hnenah Chin ṭong rori in Chin mi thuthang, leitlun, Myanmar thuthang pawl catbanglo ih theihter dingin tui kum 2014 khalah Chinland Today Media cun hmalaknak neih a tum bet vivo.

Ramsung, ramleng ih a um mi Chin mi pawl ramkhel thu, sumpai fimrelnak, fim zirnak, theihkauhnak, calai le miphun pakhat sinak ih ṭhansohnak pawl ah, a dik mi lampiih a hruaitu si ding khal Chinland Today Media ih a tumtah mi a si. Kum thar 2014 khalh leitlun hmun zakip ih a um mi Chin mi zate hrangih lam hruaitu si ding khal  a tumtah mi a si.

Chinland Today Media catbanglo ih a siartu zate hnenah, 2014 kum thar lungawinak a thar in thleng hramseh!

Chinland Today Media

(Visited 132 times, 2 visits today)

Comments

comments

Comments

%d bloggers like this: