Kum Thar Aan Ka

Liam ciar mar ee
Lungduh rual len,
Liampi ko law
Lunglen kum hlun:

Cui kum hlun ee
Caan tha sunglawi
Cawh rual theih lo,
Caan liam ko ee..

Hril thiam har e
Hui ha.. Hui ha…
Ha cang rialin
Hmalam lawng maw
ka ruah san e!

Zingni mawi te
Zan manglam sia,
Zun ngaih lunglen
Zilthli nem bang
Zing thla pitah
Zam diai do aw…

Kum thar sunglawi
Kum hlun caan te
Khirh theih cuang lo.
Kir sal thei lawn maw…….

Ngai hman ning la.
Ngaih na sawt lo
Nang cu liam aw…
Na caan cu ee….


A thar mi kum
Ar cang rualah
Au ruangro aw…
A sunglawi mi
An sim kum thar
An kaa nem ten
ka lo hmuak ee……
Lai Zuun

(Visited 60 times, 1 visits today)

Comments

comments

Tags:

Comments

%d bloggers like this: