Kum Tam Vingvo

January 29

Tlawngkai Nili

 

Kum Tam Vingvo

 

Siar:

Saam 71

 

A tar aw poh tiah i hnong hram hlah; saantlai lo a si aw poh tiah i dungtun hram hlah. –Saam 71:9

 

Kumkhat sung Baibal:

          Suahlannak 21-22

          Matthai 19

 

Kan dung naite ih kum 60 kim, suah ni cam puai tuahtu ka rual pa thawn thawhhlam kan ei tlang. Kum 60 kim zo mi pawl ih ton ttheumi ttonttaihnak paruk (6) sungih a hmaisabik thu kan rel tlang. Khatlam ah kan thuruahmi cu kan kum zat hnakin no sawn le cakvak in kan thei aw.

 

Kan thurelmi cu kum 60 sungih kan zir suakmi pawl, lungawinak le thluasuah pawl thu ah kan kaat. “A menmen lo ti aw, mangbangza a si,” a ti. A luancia zomi caan ih kan theih suakmi in atu ih kan caan hman thiamnak ah in thlenter.

 

Cumi cu kum tam vingvo ih um daan a si. Atusan ih um daan kan thiamnak dingah a luancia zomi caan ah kan zir. Saam cangantu in, “Maw Bawipa, ka beiseinak cu nangmah ah a um, maw Bawipa, ka seenlai ihsin nangmah ka lo rinsan, ka suahthlak ihsin nangmah in i hum zo; ka lo thangtthat ringring ding” (c. 6). Saam cangantu in a liamcia caan a zoh saal tikah Pathian ih rin-umnak fiangte’n a hmu. Rinsantlak a sinak parah rinsanzet in a fiang hrih lomi thil le hmailam a pah thei, kannih teh kan si ve lo maw?

 

Saam cangantu pa bangin, “Maw ka Pathian, na rin tlak sinak cu ka thangtthat ding,” (c. 22)  ti ve uhsi!

 

Rinsan tlak mi a lian, maw kan Pa Pathian,

Nangmah kan thlun ahcun thimnak um lo;

Nuar ti um lo, in zaangfahnak bang um lo,

Na si bangin a kumkhua in na lian.

 

Kum a tam vingvo bangin Pathian ih rin tlak sinak cu a karhzai.

Comments

comments

Comments

%d bloggers like this: