Kum Nauhak Bik Miss Mini Myanmar 2015 ; 15th Annual International Prince & Princes 2015 Zuam Ve Ding

miss mini
January Van
Singapore ram ih an tuah dingmi, 15th Annual International Prince & Princes 2015 zuamawknak ah kum (4 le hrek ih upa) kan rammi Miss Mini Myanmar, Khin Phone Pyae Thu @ Chit Chit Dong Lay a tel ve ding tiah Style Plus H ih Ma Hla Nu Htun hnen ihsin thutheih a si ti’n Lwin Pyin thuthang in a tarlang.

Hi zuamawknak hi Singapore ram ih tuahmi, a vei 15nak a si ih kawlram ihsin a veikhatnak kan telnak ding a si. Hi zuamawknak ah kum 4 ihsin kum 7 ih upa asimi nunau nauhak tete pawlin zuamawknak an nei ding. Chit Chit Dong Lay hi August thla ah kum 5 kim ding a si. Zuamawknak ih tel dingih cazin ra petu hmuahhmuah in kan ko ngam lo. Chit Chit Dong Lay cu a Nu hrimhrim mi ti fekfek le felfai tak a si tiin Ma Hla Nu Htun cun a sim bet.

A hlan zuamawknak pawl ih a rak telnak kidz show tipawl zohnak kan nei. A Pate hi Singapore ram ih ummi a si. Facebook in rualpi kan si ih himi zuamawknak puai a um ti in rak sim ihsin tthehlarnak kan tuah. Singapore ah veikhat a rak feh dah zo ih Singapore ihsin a theitu pawlin ama’i (Chit Chit Dong Lay) zuk hlir in kuat. Cuti’n amah thaw’i a tak ih kan tonawk tikah a duhnung zet ngai fawn ih kan hrilnak a si.

Fimthiamnak lam ah Daw Yin Wine ih nursery school ah a zir ih mirang caa tla a zir rero. Hivek zuamawknak ih kan thlah/telh nak san cu mah le mah rinawknak nei dingah siseh, mipi huham ngam in international hmuhtonnak nei dingah a si tiah Ma Hla Nu Htun in a sim.

Hi zuamawknak cu July 25 ih tuah dingmi a si ih Little Miss zuamawknak hrangah kum 7 ihsin kum 13 ih upa tiang an si ding. Miss Teen hrangah kum 13 ihsin kum 19 ih upa an si ding tiah theih a si.

Khaing Wai Lwin

(Visited 538 times, 1 visits today)

Comments

comments

Comments

%d bloggers like this: