Kum 8 Lai Thantlang Ih Zu Khamnak An Tuah Mi An Hlawhsam

Chin ramkulh, Thantlang Khawpiih kum 8 sung rori, Zu zuarlo dingih khamnak an rak tuahṭheu mi le mipi pawl hrangih theihzirhnak an pek ṭheu mi pawl cu an hlawhsam tiin Irrawaddy thuthang cun a tarlang.

Hi thu hi Thantlang Pastor Lawng Benk (hmin ngansual a si ding a zum um) ih a sim mi sirhsannak in a ngan mi a si. Thuhramlaknak ih a ngan dan ahcun, 2006 ihsin Thantlang khawpi ah Zu zuar ding khamnak daan suah dingin Chin ramkulh a cozah hnennah dilnak an rak tuah. Asinan zu zuar le a thuthiar ih zu in cu an tam zet thotho.

Cutin cawhkuannak le hremnak tete pawl tuah asinan an hlawhsam. Duhphorhnak mi 2000 lenglo in neiin khamnak daan ti nung dingih lungkimnak mi 1300 lenglo in an hmin an rak nem nan an hlawh sam.

2010 ah Baptist kawhhran in kawhhran sungtel pawl hnenah zu zuar pawl cu kawhhran dan ihsin suah an si dingih thihhloh niih vui awknak khal tuah a silo titiangin khamnak a um nan, Myanmar ram pumhuap ah zu zuar siannak a um ruangah Chin ramkulh Thantlang ah Zu khamnak hi an hlawh tling theilo.

Thantlang khawpi hi mipum 50000 lenglo Chin mi umnak hmun a si.#

Comments

comments

Comments

%d bloggers like this: