Kum 7 Mi India Ram Tlawnginn Ek-inn Ah Pawngsual Lala

Rape-Protest-India-Nationalturk-11NEW DELHI : India ramsung ih buainak thlengmi cun, rehlam pan lo in nitin deuhthaw in buainak a suahpi vivo. December thla ih pawngsualnak ihsin an hmuhsuah mi cu, India ramsung ih case an buaipi tambik mi lak ah pawngsual case hi a tamlam asi.

Tu khal ah, pawngsualnak ruang ih mipi thinheng reh hlan an, Goa state ah tlawngta nunau pawngsualnak a thleng lala. Goa State, Vasco da Gama khua ih Deepvihar High School ah ah, 14.1.2013, Monday  sun tlawng an cawlh lai ah, an tlawng hotu nu (Headmistress) umnak kiang ih Ek-inn ah hi pawngsualnak hi a thleng asi.

Nauhak tlawngta cu, zo ti theihlo, kum 20 mi ding hrawng cun a pawngsual. Mipi thinheng cun mi tamtak kokhawmaw in, pawngsualtu pa le an tlawng hotu nu cu kai ding in an au ciamco. Pawngsual tongtu le tlawng hotu nu hi humhimnak hrangah an hmin rellang asi hrihlo. Cumihnu ah, pawngsualnak ih an rinhleh mi pakhat cu an kai ngah zo asi ti in palik pawl cun an sim.

Comments

comments

2 Comments

  1. India hi tui kum an tawn mi hi a va mak ve, hi vek lawng2 an thu thang theih ding a um mak na sa,pawng sual hi mak ah an rel nawn lo a si pei maw? pawi tak si

  2. Thahrum thawh ih nunau an duh lo cing pawngsual hmang pawl naapin hrem nak tuar hram hai seh law

Comments

%d bloggers like this: