Kum 5 Sungih Dengue Nat Tuar Tam Hminsin New Delhi In Tuah; Mi 7 Thi Zo

DengueDengue tlangrai natin India khawpi New Delhi a tlak ciamco ih kum 5 sungih mi na luarbik hminsin a tuah. Acozah sizungah mina tuamhlawm cawklo in an um ih, ihkhun tiang hlawmawk tul khawp din hmun an thleng.

New Delhi ah tuini tiang Dengue tlangrai hri kai zotu mi 1,872 an um zo tiah, hardamnak lam pawl cun an sim. A hliamcia kum nga, 2010 ahcun mi 1695 in an rak kai tiah hminsin a rak si. Tuikum ah mi 7 in an thihpi zo tiah theih a si.

India rampum huap cun 2013 ah mi 75,808 in an rak ngah ih 2014 ah 40,571 in an rak ngah tiah hardamnak lam tlangbawi pawl cun an hminsin.

New Delhi hi 2014 UN ih a hminsin dan vek ahcun mipum 25 million an um ih leitlun ih khawpi pakhat ih minung tambiknak hmun Tokyo sangtu a si tiah hminsin mi khawpi a si. (Agencies)

dengue1

(Visited 180 times, 1 visits today)

Comments

comments

Comments

%d bloggers like this: