Kum 2015 Hrilawknak Ah U Khuan Thuan Oo Tel Ve Ding

BBC | January 26

Kawlram cozah in thawnginn ihsin kan dungnaite ih a suah zalenmi Shan National League For Democracy (SNLD) hruaitu U Khuan Thuan Oo cun January 25, tlawngkai nithum ah Kawlram in hrilawknak kum 2015 ih a neihdingmi ah a tel ding thu a phuang.

U Khuan Thuan Oo cun April 1, ih lailak-hrilawknak ah cun a tel lo dingih asinan ramthuhla relnakah siseh ram remthatawknak ah kal siseh theitawk ih a tuan vivo ding thu a rel.

Kawlram in remthatawknak a fehpimi ah democracy lam hawi ih remthatawknak cu zakek 55 hrawng lawng a si thu, human rights taktak a um hrihlo ruangih EU in an hremnak a hlihsak thluh lo ruangah pursumleilawnnaklam ah Kawlram in harsatnak tampi a neih lai thu le Kawlram mipi hrangah hi buainak pawl a umnawn lonak dingah mipi le party dangdang pawl tuan khawm a tul zia pawl khal a rel.

U Khuan Thuan Oo Shan State thansoh theinak ding le Shan miphun thansoh theinak ding ah a bikih hna a tuan tum ruangah parliament ihsin a theitawk ih tuan a duh ruang ih kum 2015 hrilawknak ah a teltum thu khal a rel bet.

U Khuan Thuan Oo cun hrilawknak ih a teltumnak sanbik cu kum 2010 hrilawknak Kawlram in a neih ihsin parliament dinsuah a sinak kum 1 a si zo nan Shan State ah thansohnak langngan ih hmuh ding a um hrihlo ruangah asi thu khal a rel tel bet.

(Visited 46 times, 1 visits today)

Comments

comments

Comments

%d bloggers like this: