Kum 2012 Sung Dungkham Thiambik (Best Defenders) 5 ESPN In Hrilnak Nei

vin-Komapny_2218407b

Caleb L Ci Luai

Kum 2012 cu a cem cuarco thlang ih, ESPN Star cun, kumkhat sung ih football match pawl hmuahhmuah ihsin an zohkhawm tik ah, dungkham thiambik 5 an hrilsuak ih hipawl hi an si.

1.      Vincent Kompany (Manchester City / Belgium).

Kum 2012 sung ih dungkham thian an hrilmi 5 lak ih 1 cu, Manchester City ih Belgium mi dungkham Vincent Kompany asi. Man City fans pawl ih an theihhngilh harzet dingmi an captain asi. Kum 44 sung an Premier League tiltle an hngahmi kimtertu lak ih 1 asi ve asi. Nikum ih Mancity lehnak zate lak ah Kompany hi voi 38 a lek ih, cumi ah goal 29 an suah. Hmaitlan ( Strikers ) tampi in pahtlang har an timi lak ih tel asi.

2.      Jordi Alba (Barcelona / Spain).

Nikum lam ah, Barcelona ih an  left-back Eric Abidal cun damlonak a neih cingcing ruangah tam a lek theilo ih, a lehnak ah midangdang lek in an buai zet. Cumi lai ah, kum 23 mi Jordi Alba cu Valencia club ihsin Barcelona cun pound 14 million in an lei ih, an leinak man cu a tlak asi ti Alba cun a lehnak ihsin a fiangter hngal mai. Cutin Spain ram coach khal in, Alba ih lehdan cu tha ti in European Championship Tournament ah a hruai ih, Euro champion Spain in a ngahnak ah, left-back ihsin bawmtu thazet asi.

3.      Leonardo Bonucci (Juventus / Italy).

Kum 2006 ah, Itlay Serie A ih lekdan ding tuahnak ah, Juventus cu a telve ruangah first Division lam ah kumkhat an sit. Cumi hnu an hung kaiso sal ih, nikum ah match khat hman sunglo in Serie A champion sinak cu  an ngah sal. Cutawk ih mi thahnem bik lak ih pakhat cu, an dungkham Italy mi Leonardo Bonucci asi. Match zaten ( 38 ) a lek theh ih, Coppa Italia an ngahnak khal ih dunglam ah rinsantlak zet ih lektu asi. Kum 25 mi Bonucci cu, club dang in lei duh in an zoh rero nan, Juventus cun zuar an sianlo thu lawng an tarlang lai.

4.      Mats Hummels (Borussia Dortmund / Germany).

Nikum ah, Germany ram ih lehnak Bundesliga Champion sinak cu point hmu tambik timi record thar thawn Dortmund cun a ngah lawng hman silo in, DFB-Pokal khal an ngah. Cutawk ih an hrang ih cangtha le lektha cu, kum 24 mi Hummels asi. A lek dan le a thiamdan ah, mi tamtak cun Germany ram hrang ih lektu hlun le hmingthan Franz Beckenbauer thawn tla an tahthim rero. Dunglam ah khatlam pawl ih hmaisawr pawl goal thun theilo ding ih a khamnak cu Dortmund an champion nak tawhfung pakhat asi ve asi.

5.      Philip Lamh (Bayern Munich / Germany).

Nikumlam ah Bayern cun duhumlo zet in, pahnihnak dinhmun thawn an can an cemter. Bundesliga ah 2nd, DFB-Pokal ah 2nd, Champions League khal ah 2nd nak ngah in an um. Asinan, tuikum ah cun, poit 9 rori thlau in Bundesliga ah hmai an hruai ih, DFB-Pokal Cup khal ah fourth roud thleng in leh, Champion League khal ah 16 knock-out an thleng zo. Cumi ih an team kaihruaitu cu, Germany le an club hrang ih captain, right-back ihsin lektu Philip Lahm asi. Hi a tlun ih mi 5 pawl hi, 2012 sung ih dungkham thiambik pawl ih hrilmi an si ih, thiam na timi thawn an bangaw lo mai thei.

Comments

comments

Comments

%d bloggers like this: