Kum 18 Nute HIV Nat Hrik Ihsin Khamawsuak Thei

Red Cross pawl in HIV nathrik donak an tuah lai..

Red Cross pawl in HIV nathrik donak an tuah lai..

Kum 18 mi French nute cun a natnak HIV hrang kum 12 si ei nawn lo ih a um hnu ah, a natnak a khamaw suak thei ta riai. Leilung tlun nauhak lakih HIV nat kum reipi nei hnu ih khamaw suak thei hmai sabik a si.

Hi nute hi 1996 ah a suak ih, a suah thlak vete ihsin a nu ih HIV nat hrik a kai cih. Kum thum a kim ah HIV nat khamnak veili an rak pe. Asinan a sungkua pawl in kum 6 a kim zik zawngah hi sivai ei nawn lo dingin an ti.

Kum 12 a kim ah a thisen zungzam ih um nathrik pawl an ziam vivo tiih an hmuh ruangah a thleng aw danglam men thei tiah sibawi pawlin an rak ti.

Dr Asier Saez-Cirion, Paris is Institute Pasteur sibawi cun a natnak ih hnaṭuan theinak a cak hlan ihsin HIV natkhamnak si (anti-retriviral) a ei lohli man ruangah tla a si thei men tiah a ti.

Prof Sharon Lewin, Australia, University of Melbourne sibawi pa cu, hi nauhak nu te kan zoh ihsin HIV hi a nat a rang thei bik ih kilkhawi theih a si timi in fekter a si tiah a ti.

Hivek nauhak HIV nei,nathrik khamsuak thei hi a liamcia kum hnih laiah America nute a rak um dah ih “Mississippi baby” titla in theih lar a rak siphah  hngehnge. Asinan a ni hi si a ei mi a cawlh hnu kum 2 lawngah a dam suak.#

– BBC, CNN

(Visited 780 times, 1 visits today)

Comments

comments

Comments

%d bloggers like this: