Kum 100 Kim Zo Hnuah Ca Zirsal

150716032147-china-100-year-old-exlarge-169

‘Zirnak ah tlaituk ti a umlo’ ti mi hi a rak dik rori a si. China pitar kum 100 nu cun, tulai santhar, leitlun danglam zet ah a rak ti hlawh tling ta riai mai.

Zhao Shunjin timi pitar nu hi China nisuahlam ih um a siih, kum 100 a kim ah China ngan le siar a zir ih tu ahcun a ngan suak thei ta riai.

A fapa, Luo Rongsheng kum 70 kim zo ih a sim dan ahcun, June thla ih an sungkua zanriah an kil khawmnak ah a nu cun China ṭongin a hmin ngan thei dingin zir a tum thu a rel tiah a ti. Zianghman ngan le siar thiam lo lawlaw mi a si thu khal a fapa cun a rel.

Zhao hin cutin, nikhat ah sml 2 sung ngan le siar a zir ih tu ahcun China ṭongfang 100 lenglo a thiam zo.

A hlanah Zhao hi thlairah zuar ih pumcawk aw mi a si. 1950 kum ah, vei khat cu an umnak hmun phunsang tlawng ihsin a thil zuar mi tamzet lei dingin an cah. Asinan a siar thiam lo ruangah hmun hlapi ah fehin a rak siar ter dah tiin thuhram laknak cun a tarlang.

Hi tiih ngan le siar a thiam lo ruangah a fale pawl cu thiam dingin nasaten a zuam pi titla in a fapa cun a rel.

China ram pi ih mipi zatek 80% tluk hi ngan le siar an thiam lo tiin an rampi thuthang Xinhua cun a tarlang. Thuneitu pawl ih an hminsin dan ah kum 2010 hnu lam ihsin an rampiih cathiamlonak hi zatek 4% lain a tla niam tin hminsin a um.

– CNN

Zhao Shunjin kum 100 ih a mah tei a ngan mi a hmin.

Zhao Shunjin kum 100 ih a mah tei a ngan mi a hmin.

 

(Visited 243 times, 1 visits today)

Comments

comments

Comments

%d bloggers like this: