Kum 10 Mi In Thousand Dollars Tuah

kum 10Aelita ti mi kum 10 nu te cun zuk suai leh painting a paih tuk ih a zuk pawl hi mi in an duh thei tuk man nei zet mi ah a can ring ring. A zuk suai mi pawl cu New York, London, Italy leh Hong Kong ah show cased a tuah ih mi in an duh thei zet. Cu ruang ah hi mi kum 10 nu te cu Forbes Magazine ah an suah ih Good morning America, CBS,BBC leh The Washington post pawl in tla interview an rak tuah a si.

Aelita hi Australia Melbourne ih suak Michael Andre leh Russian mi Nikka kalashnikova te ih fa nu a si. A mah hi zuk suai (painting ) lam pang hi paih zet tu a si.

Aelita hi nau hak dang vek tho tho a si ih mi hlim thei zet a si fawn. Kei cu zuksuai Art lam pang ah ka hmin a thang thlang ih leilung pi nih tla in thei thok thlang ruang ah ka lung a awi tuk a ti. A leng dawr ih ka vah tik khal ah mi in in thei thluh ” Oh, nang hi ka lo thei hminthang zet mi artist Aelita kha na si ti aw” ti in ka vak nak ah in sut theu.

Aelita hi 2007 ah a suak ih leitlun Wikipedia neitu lak ah nau hak bik a si. Thla 9 mi a si in zuk suai a thok. Thla 22 mi a si in acrylics on canvas, Melbourne’s Brunswick street Gallery ah zuk a suai ih a suai mi 15 sung in 7 cu $ 300 in $3000 kar lak in show hman an tuah man hlan ah mi an an lei sak theh man a si.
Kum 4 a si in zuk pakhat a suai (painting) a tuah mi hi $ 24,000 in an lei. A suai mi hmuah hmuah hi mi in an duh thei tuk ih a mah tla in hiti vek ih hna tuan hi ka paih zawng a si ti in a sim.

Aelita cun zuk ka suai cun ka thin a nuam ih ka hlim. Ka dam sung cu himi hna hi ka tuah ding a si ti in interview nak ah a sim a si. Kum 10 mi te a si nan kan tuah thei lo mi pawl hi nauhak te cun a tuah a si.

Ref: the chinvoice

(Visited 383 times, 1 visits today)

Comments

comments

Comments

%d bloggers like this: