Kuakuai Aankaa

Kuakuai Aankaa

Avei thumnak | Thla hnih veikhat | New Delhi| Varsar 2010

Neitu- Chin Nonawn Calai Pawlkom (Delhi)

Kuakuai

Ka Biazai

L = Liamko law!
U = Ui cing tein
N = Na parmawi te….
G = Green rose par bang/….
K = Ka lungthin ah
U = Uai ni um lo
A = A kuai mi lung
I = In hnemtu…

By Hu Lian

Huat thla la tuk te kha…..
Ka duh lung ton ruang ah maw
Nun man nei nawn lo ka rak si ve ta hi
Aw..ka hrang ih huat thla la tuk te
In pek mi na lak sawng te hi a tha hlei lua ee
Na duh mi par mawi na co lo ruang ih
Kei leng nu lung kuai in in rak tuah ve maw…
In duh ngai lo ti thei cing ih
Dung ka rak lo tun thei lo kha ka thu si ning la ka va ti em…
Na mit meng no tak leh
Na an kaa thlum nem tak pol ruang ah maw
Tong thiam nawn lo mi aa ih ka rak cang ve ta hi………
Mai NiNi

Ninu lian caan le Kei

Duhmi

Sen siarsi Ninu
Hring dildel tlangsang phenah
A liam muarmo.
Vanva awnmawi
Cung vansangah kawpkim ten
Nuam in an leng.
Zil thli a hrang
Thing hnah ro phunkim an til
An zam piangpo.
Parmawi phunkim
Rimhmuitin rawngtin suah in
An par siarsi.
Cui caanah kei
Ninu engmawi phenthlam hnuaiah
Nang hawl in maw.
Duh ni hmui thla
Hmuh ding um lo um har in
Li leng hlei ce.
Kei riang lengnu
Nang tello tlai ni liam caan

Lungkuai in maw.

Mai HK Cangte

Duh mi…rimhmui par mawi
Khuaitizuu bang
‘Lengai’ iang in,
Sawl bang uai ning.
Valtha tuanzai rel lo in….
Duh mi…Sen thleihthli theu,
Vur bang var theu,
Kawl, vai lakah
Hmin mawi, ‘Laimi’
Na hmin a mawi hleice ee….
Duh mi…Nang thawn tlai len
Zing, sun, le zan,
Ni eng ruah sur
Ziang poi sa lawn
Kumpi kum ‘10’
Mit thep kar bang
Vanram tla fual na ti maw?…
Duh mi…A si ko nan
Ka pai’ lo ram
Fang an hmin zo
Tuan ding a tam
Tuantu ding ah, mitthli thawn
Ka kirsal zo…Duh Mi…
I hngilh thlang mai aw…
PS: Duhmi=Zu, Ka pa= Zisuh Khrih.
By Hapi

Ka hngilh theilo

Ka nunntem te

Ruat tha aw!
Zan thlapa vang hnuaiah
“Thihnak lo cun in then hlahseh maw”
Duhthu an hlan aw…
“In rak hngak ringring aw maw Nute”
Hmailam caan hrang ruat in
Lunglennak khawpi Aizawl ah a lut…
Tawnsal caan hngak in, ni le thla a siar theu
Tlun ih azuang vate pawl in…
“Na sentecai in tluangdang val ih senpawk
Acawi zo an ti…”
Ziang dang a ruat thei nawn lo
Romeo…na va tlungsal asilen,
Nute hnenah va sim aw…
‘Ka thih hlanlo ka duh ding…”
Adam sung caan tawite zu in a hmang liam…
A kum    -20
A khua   -Falam
A natnak-zun ngai
A thih ni-10,12,2007

By- Romeo Tiam

Ka duh nunnem
Aankaa thlumte
Lungthin sungah
Darkhing awn bang
Caam ri-riai ee
Selet tisuar
Khal tho hmanseh
Nunnem tualrawn
Ka thleng tiang in
Zingpul lal nu’
kut ka kai tiang
Ka kee khingte
A awn lan ding
Ka lung duhbik
A zung nau um
Ka hren hnget zo.
By…SM Hu Lian

Rual Duh

Kutdawh

Li a leng liamcia caan ruah ah
Thianrual kimten kan lenglai caan
Cungmang lairel kham theih si lo
Pialral ram na rak lawi man maw?
Lung ngainak sim rel man ta lo’n
Darbang kuai ko maw thianrual zuun
Kan kirsal theih si lo can tha,
Nang ngainak me rem thiam a har
Na lawinakin in hmuak hram law
Ka ra thleng hlan tiang in, rual duh.

By- C.Deirel

Nepnawi khawm, a tanbul peh,
A tiltiak sarin, lam kap ah kut ka dawh,
Suulhnu thu cawng, phenthlam ka zoh,
Leibek zin zawh in, a tawpnak, tawi vak,
Lamhlo, ruahnak khaikhawm, zaanmang
sunzawm, duhthusam ih, ka riam mi ah,
Lungnat, zuun tuar, leenlak hmun thiang
Lam hmasial in, na neh hlun zin tluan ah
Par dang um nawnlo, hawi lak hling hnah lawng….
:By- Van Tual Rawn

Tlansan siang hlah ee….Chinland

THLAPI

Suahsempi u le nau
Thian le rual tluangzadan ih a ummi
Salai Kei in lo ngainak thurel ning thei hlah e,,,
Chinland ka nu khal nangmah ngaiin
Lungkuai in au ruangmang ee,,,
Duhdawtmi nang tel lo in Chinland um thei hlah e..
Na sulhnu ruat in lileng mitthli thawn
Hnemtu nei lo ram thingpi ah
Nangmah ngaiin Chinland uai hnianghni ko ning.
Ninu le thlapa in thei hramseh.
Ramdangmi sal ah cang in
Miphun dangpawlih Chinland fahniang an dekcawknak cu
Maw,,, khawzingnu in theihsak hram aw.
Pipupawl sulphumnak
Semnak Lailungrawn
In rohtami kan Nunphung le Calai
Chinland fahniang Salai Kei in hloral siang hlah e,,,,
Tlanghra thu le ngaiawknak men in
Kan caan tha, sunmang menah maw,,, an cang
A,,,, Cui,,, Ka,,, Thin.
By- Salai Mazawn

Zaan khua arei thlapi sangsin,
Zaan khua a thim anti kei hrang vangsin e
Natel lo tuzaan, ka hrang THLAPI tleu hleice,
Duhmi pangpar mawite na mawi nak zaanthim ti umlo’n
Vangsin aw maw “Ka duhdawt mi Aw MAI”
Tuzaan THLAPI vangtangah
Lungthli ka tum saduh ka that,
Tikcu caan aw! Her in liam zang law,
Ka duhmi Mai thawi kutsih lengtlang ding caan
Cui caan hngakin thlapi vangtangah Lunglengin kei lawng maw,
Maw vanva aw zuangin va fehlaw,
“Na lungduh valpa na zuun ngai in, lungleen mitthli thawn
THLAPI vangtangah hnemtu nei lo’n
Thih ngam lunglen tuar in,
Uai hnianghni nge Amahtelawng e ti’n va sim aw maw
THLAPI sangsin sin in vangsin sin aw maw..
Kei lunglen tuarpitu ding nang lawng maw THLAPI …
By- Steve Van Bawi Thawng

Ka ngai

Tluang dang ah leng

Mitcaw zin hlo bang ih lam ka len lai
Khawi ka feh ding ti thei lo in
Hmai lam ka zoh zin a pit
Dung kir thei nawn lo’n
Kei mah lawng maw ti’n
Thu tin ruat phah in
Thin a pit ko
Ka lam zin
ka buai
Ka ai
Inn ka ngai
Tlung ding cang thiam lo ka suak zo fawn
Ka ngam nawn lo inn tlun ding
Hlawhtlinnak um lo’n
Mi’ in rel phang phah in
Sir zoh, hla pi zoh phah
Cumkheng bang
Nuam naiten’
Feh tul fawn
Ding lo’n
Kir lo’n…..
Inn ka ngai
Hnemtu, bawmtu, theihthiampitu um maw?
Lam tluan tuahsualmi tam pi thawn
Ka pa’ thusim
Ka nu’ thucah
Ka nau le’h mithmai
AW…..
Inn ka ngai tuk aw!
By- Salai Lai Meithal

Mawi nak a tam mitvai thei ko
Zinpi khat in mawtaw an tlan
Tipi sung ih nga rual tlan bang
Nei thei lo nan …daw hlah ing e
Kei ka hrangah……
Kan lai ram ih lai pasal tuah
Lai lung rawn ih feh rutro mi
Caw leng cawhal rian tin tuan tu
Kan rawl hawl nak ngai na sawne
Sumsaw a tam
Inn sang mak sak mang bang za in
Van deng zik tiang lungdawl rem mi
Milian mifim len nak run inn
Um thei lo nan daw hlah inge
Kei ka hrangah
Kan lai ram ih lai pai rem mi
Lai lung rawn ih rangva inn te
Duhdawtnak thawn sung kim lennak
Ka nui ruun inn ngai na sawn e
Kei ka hrangah
Ei ding a tam, in ding a tam
Milian mifim an ei an cen
An puar an tlai an pumcek ko
Cen thei lo nan daw hlah inge
Kei ka hrangah
Kan lairam ih lai lungthu par
Ka nui suan rawl ui nak um lawn
Ka nui suahmi duh zat ei theih
dawh hawl thiah  var ngai
Mai. HK Cangte

Na hrang a tawk

Ui hrih ko ning

A mawi a tha a fel a thiam.
A zuam a fim,
Kan tonawk caan!!
Na ta ka si…ka ta na si,
Na lungawi caan kei ka thinnuam
Na riahsiat caan… kei ka ning naa
Nang le kei Parkhat tlan in
Kan nuamlai caan,
Nang thawn lentlang ka nuam lai ah
Leng dang in maw, ka nuamnak par
I tot saktu….Ka duh mi nang
Thinlung hmunlo….I liam san maw??
Na hrang a tawk… Na zuun ka tuar,
Ka tuar natnak damter thei tu
Val dang tang ah…
Atu ihsin in thenthei nawnlo….
Ziangtik hmanah ka lungthin
Thenhnih ah i then sal thei
Nawn lo ding…….. Na hrang a tawk
Mai Sam Phang

A hlatnak hmunih a uai hnianghnimi
Ka thinlung.
Thimnak sungih a tlanglengmi
Ka ruahnak.
Mawlmangpi lawng ka si
Duhmi ngainak ah
Ninu bang suaksal sehla
Nangthawn kan caan tha
Zilthlinem a hran tikah
Ka duhbikmi zaan thlapa hngak in
Khawfing cah tiang ka to
Tlanghra ah uai hrih ko ning
Duhmi,,,,,,,,,,Zuun.
Salai Mazawn

Nang le Kei

Romantic World

Lungthin auaw, na hrang ah tin,
Duhmi na hrang ah ee
Pualva hluan in feh tlang ka nuam
Ansia thli a hran hman ah
Huatu zahra duhtu zahra
Aansia Sunami a um hman ah
Nang le kei cu Rih bang lungkhat
Sohhlei var bang dawtnak thiang
Asen bang huaisennak thawn
Feh tlang uh si.
: By- Mai C. Dawtte

Romantic world ah hmeltha si, fel tak pawl hi an van neibik. Phun lak ih ‘piring’ vok vek an si…Cule felzet ih hmelsia duhnungpawl khi belhcian an dawl ih rawlhmeh um lo khalseh, rawl thingte khal rilrawn lai ei lawng ih a thawbik le pumpuar theibiktu vek khi an si. Hmelthatzet hmanseh milolam, mikhawlopawl khi an tih um ih ‘no’ mawi sung ih (poison) um vek an si ih,..hmelsia fawn siih nunkhawlo leh zualpawl phei cu hnawmhne lakih hnawmhne vek fang an si.
Suum Va Leng

(Visited 91 times, 1 visits today)

Comments

comments

Comments

%d bloggers like this: