Kristen Stewart le Robert Pattinson Kha Ziang Tin Maw?

reg_1024.BreakingDawn8.mh.100212

Kristen Stewart le Robert Pattinson hi Hollywood ih duhdawtnaklam zuknung cangthiambik hminthang an siih tuini tiang an zuknung canmi pawlah hlawhtlinnak an teel zetin a langih zohtu le lawmtu ngahbik khal an si phah hial a si. Forbes pawlih tuahmi Leitlun zuknung ṭhabik 10 hrilnak khalah fiangzetin hriltlin an si.

Kristen Stewart hnakin ka thinlung i theitu dang zohman an um lo

Nikum ah Kristen Stewart cun a thupte’n nupi nei zo director Rupert Sanders thawn ihkhun parah nuamnak an rak hmang tlang. Robert Pattinson cun a theihsal tikah lungkuai in thla tampi sung a biak paih nawnlo. Hivekih a uire thu cu leitlun mikip theih a si. Mi tampi cun Robert Pattinson in Kristen Stewart biak nawnlo le koppi nawnlo ding hrimhrim ah an duh.

Asinan, Robert Pattinson cun, duhmi dang a nei thei hrimhrim lo. Midang ṭang ih va lawi ding a rem ti theilo. “Kristen Stewart hnakin ka thinlung i theitu dang zohman an um lo” a ti ngam ve ruangah nikum cem zawngah Robert Pattinson cun a fala uire ti thei cingte’n a duhdawt sal thotho ih tuisun tiang thuthang ih a phun daan ahcun a thupte’n an um tlang ringring tiah an sim.

Four Seasons hotel ih tonak nemzet ah to tlang in liamcia ih an sulhnu pawl le an zuknung cangmi 5 pawl ruangih an hminthanzet thu pawl tla titinak an nei hnu ah  an pahnih lungrualin Pattinson suahnak London ah inn an lei ding thu tla an sim suak.

Tuini tiang mipi cun an pahnih ih buainak, Kristen Stewart ih uire thu an sut ringring. Thuthanglatupawl khalin cumi thu rori an sut tum ṭheu ruangah “Himi thusuhnak kan duh lo tiah” an breakup-nak thu suh an sianlo thu an tarlang. An duhawk sal ihsin Kristen Stewart, 22 cun ka duhdawt tiih kum 3 sung a rak sim duhlo mi cu siraw in le a uire ruangah  mawh a phurkawkzet ih a taksa hlan aw in Robert Pattinson thawn zan tampi an um tlang tiah report tu pawl cun an tarlang bet.

133055489

Rualremnak an neihsal ihsin tuini tiang Kristen Stewart cun Robert Pattinson duhdan lawnglawng in a um ih a thuamhnaw hruk daan ah siseh sexy cuang in um. Robert Pattinson ih rualpi cun “Ka rualpa hin a duh ngaingai lo nan, zuknung cang dingih rualremnak a duh ruangah a si ka zum” tiah a sim.

Lawrtu ih Thlirnak:

Veikhat ih, veikhat hman, Kristen Stewart hin Robert Pattinson cu thupthiarin uire san nawn hlah seh. Hitluk a duhdawttu Robert Pattinson hi zangfah in rinumte’n um sehla ka duhsak. Robert Pattinson khalin netabiknak caan a pek zo ruangah ralring ngaingai dingah ka duhsak bet fawn.

Comments

comments

2 Comments

  1. Mihi nu hi nu le pa hi cun leicung zuk nung lakah ka uar bik an si, kan i lawm

  2. Uire ti tongkam na hman mi hin casiar mi ti biboh deuh a bang. Uire cu nupa karlak nupi leh pasal an si hnu ih hman mi a si deuh lo maw ti ah. a phatsan ti sawn men la siar a nuam deuh ding ti thu. annih hi nupa an si lo ih fala tlangval duhaw lawng an si.

Comments

%d bloggers like this: