Korea zuknunglem le Kristian innsungsang

Korea zuknunglem le Kristian innsungsang

Bi te

korean-drama-asian-drama-underdog-cinema-korean-cinema-wordpress

Positive

Ralrin nun mi a zirh

Pa khat le pa khat par ih an rin um lo daan pawl hmuh ding a tam sawn ruang ah fa la tlangval pawl hrang ah si seh inn sang nei zo tu pawl hrang tiang in ral rin nun mi a zirh. A that nak hmu tu pawl hrang ih ruah nak pek mi.. (zuk nung lem lo khal in kan kiangkap khaw sak daan thlir in si seh, cun kan ni zum tu pawl hrang tlaah cun kan Bible in ziang kim in zirh fam kim sawn. Bible in na nun lo kai hnget sawn seh la a fek sawn lo ding maw?)

Negative

1.Innsungsang kimcang ten rawl hil khawm a theih nawnlo

Kan pakan ih buh le hmeh acem tikih kan duh mi ciar kan suah awk vial vo theu lai kha ka va ngai ve. “Nang a lu na duh,nang athla ngiau,nang a tit var,nang a thin,nang a thau, khah nang mah ei aw”kan ti awkkhawm vial vo lai kha ngai a va um ve.kan ca buaiah pakan a kim nawn lo. zo saw kan co ka ah ra lut ih in ra ru tu?  Nang nget pi korea zuk nung lem na si.ka lo kai ngah zo.

2. It caan abang aw thei nawn lo

Innsang nei zo tu cun thu um daan kan thei lohli mai.A hrek khat zuknung lem tla cu zan nazi 9:30 pm hnu ah a ra suak cu the!Thuruah awk kerhko caan rem cang a um thei nawn lo. Nu pa  then thei tu hi rin um lo nak tin ka rak thei dah nan a tu ahcun nang Korea zuknung lem ho maw  inn sungsangih thentheknak  thlen tum tu. Hmuh in na um ngah zo.

3.Fa le te an zon a zai tuk ee.

Nu bikin zuknung lem zoh hi a thawt zawng a si sap bai tla ahcun “nu nu,cu mi kha mi ka duh”ti’n dil le ngen ngam asi lo.Nu nu.. ti dai ka duh?um men.ka zun suak?ka lo king ding. Na pa thawn va feh uh!nu nu ka ek suak?nang  mah ten feh!ka ih hmu? Nang mah ten it!Ka ril rawng?nang mah ten ei!Phone a ra?In va kaih sak ta!Aw…Fa le te par ih nui aw thlum te le zoh en kol awk nak khui lam ah saw thli in a hran hlo cu le?Thli sia nang korea zuk nung lem na si, kaih  ngah in na um zo.

4.Nunhlun thuanthu mi a von mang ter

A zuk nung lem ih zir in nun hlun thuan thu nei pawl hrang ah cun a nun ah  “seh la ..seh la..seh la”in nun mi a ti re thei.A rak cang suak zo lo mi thu hnu von ruat sal in nun bei don nak thlen ter thei tu..mi bum aa tum tu nang Korea zuk nung lem na si ..ka lo thei fiang.I bum re ro duh hlah.

5.Thinlung ah lal din hmun a co

Zuk nung lem in kan thin lung ah ram a lak cun thil dang kan ngaih tuah thei mang lo.A caan a rawng kim cun kan lal (siang pa hrang) biak a tul.Tuah tul poi mawh zet zet khal a zuk nung lem caan ih zir in thu bawt cat asi.Zanlam na zi pa 7:00 ih thu poi mawh kha kan thu poi mawh ah kan ret thei nawn lo.Kan Pathian biak caan khal zuk nung lem ih caan a lak daan ih zir in thawn a tul thlang..Poi kan ti cio lo maw? Nang korea zuk nung lem kan Christian nun ah Lal din hmun ra co tum hlah.kan lo bia nawn lo ding. Setan hman rua na si..in her kual tum duh hlah… hmuh in na um ngah zo.

A hlei ce in kawlram sungum kan lai mi Chistian inn sungsang  cun a tlun thu thawn peh par aw in  ngun ngaih zet in kan bih tlang khawm a cu tuk thlang tin ka ruat.Kei mai bul pak hmuhdaan tla ahcun Hmuh tham lo ten in ei se re ro tu nget, setan hmanrua in si ka hmuh. kan inn sungsang ah ziang tlukin hi hmuh tham lo nget a tla zo?In ei se zo? hi nget in in ei kuahom tum(kau) hlan ah a thah thei daan lam zin hawl khawm tlangin a zam rang thei bik in that loh li uh si.

Comments

comments

Comments

%d bloggers like this: