Korea Soju Zu Kan In Pei!!!

Salai Seoul

Korean drama kan zoh len ziang tik lai khal leh ziang vek can khalah siseh palang hring(green bottle) Soju an in mi a tlang pi thu in kan hmu thei. Soju cu Korean local zu a si. Kan Chin mi hrangah cun ‘Zureu’ thawn tahṭhim a theih ko. Drama ih kan hmuh vekin Korean society ah cun Zu/Soju cu thil poimawh zet le pawlkawm awk nakah a um lo len a cang theilo mi thil thu pi zet mi pakhat a si.

Soju cu kan Chin ṭawngin ‘A Kangmi Zu(burned liuor)’ti a si. A tlang pi thu in fang thawn tuah mi a si. Soju cu rawng a nei lo ih tidai vekin a thiang. Soju ah cun zu cahnak cawlh alcohol 16.7%, 45% alcohol by volume (ABV) a tel. Soju langkhat ah 375ml a si ih, Korean paisa in 1000-3000won (US$1-3) a man.

Korean pawl cu zu an in tikah a tlangpi thu in mah hnakih upa(or) sinaksang sawn hnenah zu an thlet hmai sa. Zu an thlet tikah kehlam kutin vorhlam ban an kaiih lu kun phahin an thlet. Culen mah nakih upa in zu an thlet tikah kut pathinin zu hai kaiin leh zu hai lawng zohin an dawng. Kan Chin mi leh Korean pawl zu in dan a bang awknak a um ve zet. Tahṭhim nakah,upa pawlin nauta sawn zu an tulh tikah an duh lo hmanah a ṭheh tal teh ding ti ah dan an nei. Culen, zu leh awk tikah el lo ding ti mi dan an nei ve.

Korean pawl cu a pa ti lo a nu pawl tiangin zu duh mi leh zu ngai na zet mi hnam an si. Zu an in tikah ring ngai ngaiin “One Shot” or “Konbae/Cheer” tin an au ih an in. Zu an in tikah pakhat leh pakhat zu thlet aw phahin a in. Raulpi thawn zu an in tikah mah te mai zu hai ih zu thlet awk an dan a si lo. A ṭhenkhat zu pin deuh in duh pawlin Soju leh Beer an rawi ih an in. Soju leh Beer rawi mi cu ‘so-mac’ tin an ko.

Korean pawl cu an ai puan can leh an thin a heng canah zu in an hmang. Zu in an sawm awk tikah “Nokhat/haikhat ten kan in pei cu” tin an sawm aw nan an in tak tak tikah lang4-5 lai an in.

(Visited 154 times, 1 visits today)

Comments

comments

6 Comments

  1. “One Shot” or “Konbae/Cheer”

    Ka thiam zo….siar nuam tak male…

  2. Salai Seol,

    Na ngan tha lawlaw si.
    Hivek hi kan theih a tul ngaingai.
    Theihkauhnak a si.

    Lungawi ee…ka rak siar ngah.

  3. Korea Fala Mawi Dan Leh Mawi Duh Dan timi ngantu ih nganmi siar a ngah lala…Soul in maw na rak ngan lala….

    Tu tum cu hmaisa hnak in siar nuam ka ti.

  4. Zu hi Greek tongfang a si.
    A umzia cu birbir tinak….

  5. Soju an uar tuk mi na rak ngan cu ka uar tuk.
    Hivek Korea lam thu rak ngan theu aw.
    Ka hlawk pi lawlaw

  6. Na ngan tha na sa, theih Knowledge hrangah a tha zet..

Comments

%d bloggers like this: