Korea Pastor China Ram Ah Kaih Tuar

Pastor-Suh-Kyung-suk-protesting-Chinese-policy-on-NKRs

Caleb L Ci Luai

SHANGHAI, CHINA : Korea pastor, Hu tilawng ih a hmin theihter mi cun, China ram a tlawn lai ah Pathian Thu asim ruangah China cozah thuneitu cun an kai.

December 23, ah Shanghai khawsung ih Pudong Area ih um, Zhenguang ( True Light ) House Church ah Thuthangtha asim ih, cumi asim rero lai cu Public Security Bureau, Religious Affairs Bureau pawl ra in a thusim lai cu zanlam 2:00 pm ah an kai.

Cutin thuneitu pawl cun an hruai ih thusuhnak tampi an nei. Cumi lak ih a relmi cu, “Thuneitu pawl in China ram lut theilo ding in in tuah tum” ti asi. China Aid pawl cun leitlun hmuntin ih um zumtu pawl hnen ah Pastor Hu hrang thlacamnak nei ding in dilnak an neihsak.

Nepal Ramsung Zumtupawl Lungawi Lo

_41565316_gall_nepalKADMANDU, NEPAL : Nepal ram cu Christmas thuam mawinak thawn mawizet in thuam asi ko nan, a sung ih zumtu pawl cun nekrawknak an tuar lai thotho. Kan dung kum 5 rei ah khan Nepal ram cu Secular State ah puan a rak si zo.

Asinan, cumi thuthawn pehpar in The Federation of national Christian of Nepal ih general secretary taunt C B Gahatraj cun, “Nepal ram cu kan dung kum 5 rei ah khan Secular State ti ih puan cu asi ko nan, kannih zumtu pawl hrangah cun a kel thotho asi. Tahthimnak ah, kannih Christian pawl hrangah Nepal ramsungah thlan in pe theilo.

Cumi kan zoh asile, Nepal cozah hin thilti ding a ngah tuk lai. Kan dung thlariat liamzo ah khan  Nepal cozah le FNCN cun lungkimnak paruk an rak tuah dah. Asinan, cumi par khal ah cozah cun an lungkimnak vek ih a tuahlo tik ah Christian pawl cu an lungawilo zet. Tu naite ah Nepal ram ah Christian ziangzat an um tikhal cozah thuneitu pawl in an hliakhlai.

Comments

comments

Comments

%d bloggers like this: