Korea Minu Group Hmingthang T-ara In Fan Club Din Tum

Gokpop.com | January 25

Korea hlasakthiam minu group T-ara cun kum reipi sung music lam ih an cangvaih hnu ah official tak in fan club din an tum thu thuthangca in a tarlang.

T-ara group hohatu, Core Contents Media CEO, Kim Kwangsoo cun hlasakthiam tam zet cu a zohkkhen  zonan fun club neih cu zohman a rak siang dah lo. Asinan T-ara minu group pawl in vei tam zet an nawrnak ruangah Kim Kwangsoo cun an dilnak a pawmsak zo asi.

Km Kwangsoo cun January 21, zarhteni ah Star News thuthanglatu pawl thawn hmaitawn thusuhnak a nei ih hi tumah Kim Kwangsoo cun T-ara ih hlawhtlinnak pawl a hmuh ih an rintawkawknak a hmu ruangah an dilnak  a pawmsak thu a rel.

Kim Kwangsoo cun, “ Kei cun hi T-ara pawl cu fun club tivek men ih an mah le an mah an limit awk ka duh lo. Hlasakthiam dang pawl cun fun club an nei cio ih an fun club ihsin thazang khal siseh duhsaknak khal siseh an dawn can ah T-ara cun an riang tuk in an ruatawk theu. T-ara cun cantha  a um tinten hi thu hi in relpi in tuah dingah in nawr ringring theu.T-ara pawl ih ruahdaan cu ka tawmpi in ka pawmpi ve tuk ko. Ka rak tuahsak duhlonak san khal T-ara cu fek zet le hnget khoh tak ih an mah ten an dinsuah thei ka duh ruangah asi. Asinan tuah cun kum 30 lenglo ka rak cin theumi dan ka pahbal in an duhdan ka tlun.” tiah a rel.

Kim Kwangsoo cun, “ Tu ihsin fun club tum zet din suak thei ding in tan kan la thlang ding ih tu’i kum thal hlan ah kan din suak ngaingai thei ka beisei. An ngennak ka pawm thu hi T-ara cun an thei hrihlo. Curuangah hi thu hi cu an hrangih thal khaw hlum caan ih an thin dai tertu ding laksawng tha tak a si ding. ” tiah a rel bet.

(Visited 47 times, 1 visits today)

Comments

comments

Comments

%d bloggers like this: