Korea K-Pop Vekin Myanmar M-Pop Dinsuah Tum

Mai Daidim10492040_829459613808711_2226017170617906487_n

Korea le Myanmar ram palai pehtlaihawknak kum 40 kim hminsinnak ah Korea K-Pop hlasak thiam a simi Ailee, BTS, Halo, A.Kor le N-Sonic pawl telih tuah dingmi 2015 K-Pop Concert Live in Yangon cu June 16 Zan Myanmar Event Park ah tuah a si ding.

A veithumnak K-Pop concert tuahtu ding Han Beak Company ih U Aung Min Min Ko cun, “kawlram mino pawlin K-Pop hi an cohlang cio ih a hlan veihnih kan tuah khalah tha an rak pek ruangah ramdangmi music milai pawl thawn nelawkter duh ah kan tuahmi a si.

A veikhatnak le a veihnihnak kan rak tuah lai ih kan ngahmi pawl cu lehpannak hrang sumhawlnak le red-cross hrang bomnak ih hman a si. Atuih țum kan tuahmi a miat ngao ih ⅓ cu hngakțah fa hrang le pitar, putar harsa bomnak ah kan hmamg ding” tiin a sim.

Mino pawl ih duhmi, Hlim le lungawi takih nom theinak hrang tawlrelmi 2015 K-Pop concert ah ticket man cu, 200000, 100000, 50000 tiin ticket 10000 zuarsuah ding tumtah a si ih hlei ah May 22, 23 ih leitu cu 50000 man kha 30000 in pek an si.

“Atuih K-Pop concert an hlawhtlin a si ahcun hminthang dangdang kawh bet an si ding ruangah tuițum an hlawhtlin ding a thupi tuk” tiin Tiger Fate ih Ko Zaw Min cun a sim.

Hlasak le laam a paihmi pawl hrangah Korea ih awsuahdan zirhtu, laam zirhtu pawl ko in Training ong dingih timtuah rero lai a si ih Korea K-Pop vekin Myanmar M-Pop sersuak, dinsuah ding an tumtah.

Hrm – Kamayut Media

Comments

comments

Comments

%d bloggers like this: