Korea Hlasakthiam Rain Fala Ruangah Dantat Menthei

8b1f54aed899f08c088ea079cdf7732b_large

SEOUL : Korea ram ih hlasakthiam le zuknung cangthiam hminlar zet Rain cu, ralkap tuanvo a tuan rero lai ah, a fala nu Korea TV drama star Kim Tae-hee thawn leng ih an suahlai le motor an totlan lai zuk pawl thuthangca ih suah asi ruangah dattatnak tuar ding dinhmun ah a ding asi.

Korea ram ih mipa pawl hi, zozo khal an si le kum 2 sung an ramhrang ah ralkap hna an tuan ringring theu. Rain khal hi tu ah cui hna cu a tuan rero lai tak asi ve. Tabloid magazine ih a tarlangnak ah, Kim cu lukhum le hmaikhuh ( surgical mask ) thawn Rain ih motor sung ih a tumlai tak cu an tar a si. Rain hin ralkap hna a tuan phah hin, ralkap sung ihsin TV an tisuahmi ah a tuan rero phah thu khal theih asi.

Kan dung naite ah, leitlun ih Youtube hla hmuahhmuah lak ih zohtambik sinak dinhmun ngahtu “ Gangnam Style” saktu Psy khal in, hi a ralkap tuannak hi a tuansal ( repeat military service ) thu khal theih asi. Online ihsin Korea mi 3000 tluk in Rain ih cangvaih dan ah cozah cun zohfel a tul asi ti in vote an pek ruangah, Korea Defence Ministry cun zohfel an tum thu khal an website ah an tarlang. Korea mipa zozo khal in hi an hna, ralkap an tuanlai ah can tampi pek an si dahlo ih, cumi karlak ah Rain cu a fala nu thawn an vaktlang ruangah, a hnatuan ding ralkap hna cu a tuansal a tul maithei asi.

Comments

comments

Comments

%d bloggers like this: