KOI Le Kawlram Cozah Lak Rualemnak Thuhla Pawl

BBC | January 20

Theihcia zo vek in KIO (Kachin Independence Organization) le Kawlram cozah palai pawl cu Tuluk le Kawlram ramri, Shewli ah January 18 ihsin 19 tiang, nihnih sung tawnawknak an neihhnu ah rualremnak an tuahmi pawl cu thuthanglatu pawl hnenah an sim thei.

Kawlram cun remthatawknak lam zinpi ah mipi a kaihruai rero ih zalennak dik tak ngaingai cu Kawlram mipi in an nei hrihlo nan a reihlan ah mipi rorelnak cozah thar a din suah ding cu Kawlram mipi in beiseinak thawn an hngahmi a si.

Kawlram cozah cun organization dangdang le party dangdang palai pawl thawn ramthu rem khawmnak khal a fehpi rero zo ih January 18 khal ah Tuluk le Kawlram ramri khawpi pakhat a simi, Shewli ah KIO palai pawl thawn ramthuhla le remdaihnak thuhla ah nihnih sung tawnawknak an rak nei ih cu’i an tawnawknak in a suahpimi cu mipi cun beiseinak thawn an rak thlir rero lai ah tu’ini January 20, tlangkini nga ah an thurelkhawmnak ih an lungkim tlanmi pawl cu thuthanglatu pawl hnenah a sim thei asi.

Hi tawnawknak an neihmi ah KIO le Kawlram cozah cun ramthuhla ah tawnawknak neih vivo ding, an tawnawknak thuhla pawl cu thuthanglatu pawl hnenah diktak ih theih ter le ram sung ih KIO ralkap le Kawlram cozah ralkap kahawknak a suah tamnak hmun pawl ah KIO ralkap le Kawlram cozah ralkap pawl cu rualrem zet ih an um theinak ding thu pawl cu lungkim zet in sign thut a si.

KIO le Kawlram cozah cun tawnawknak a hlan ih an rak neih theumi pawl hnak in tu’i tum ih tawnawknak an neihmi cu a felfai in a rintlak sawn thu Buhmugi Zaw Yaw in a rel. KIO le Kawlram cozah palai pawl cu January 18 le 19 ah tawnawknak an nei zo ih ziangtik ah tawnawknak an nei leh ding ti cu theih a si hrih lo a si.

(Visited 43 times, 1 visits today)

Comments

comments

Comments

%d bloggers like this: