KNU Hruaitu ‘Hlun Man Ngein Mg’ Suah Zalen Ding

Irrawaddy | January 18

Kawlram cozah cun ‘remdaihnak’ laksawng vek ih KNU hruaitu pakhat asimi, Man Ngein Mg cu thawnginn ihsin a suah zalen tum thu thuthangca in a tarlang.

Man Ngein Mg cu kum 2011, July 24 ah Yangon vanzam-tumnak hmun Mingala-Dung ah kiah a si ih cozah dokalh zawng ih nganmi ca a kut ah kaih sak a si ih cozah kalh zawng ih phone thawn thuhlarel khal ah kaih a si ruangah Kawlram cozah in kum 17 sung thawngtla ding ih a thu relcat sat mi a si.

Kan dung zarh ih KNU le cozah thuneitu pawl rualremnak le remdaihnak hawl ih tawnawknak an neih tum ah Kawlram ih tlangleng lam thuneitu, U Awng Min cun cozah thuneitu lam in KNU le cozah lailak ih remdaihnak a um ngaingai theinak ding ah KNU huraitu Man Ngein Mag cu an suah tum thu a rel.

KNU thusimtu, U Saw Di Pat Thaw cun, “ An Suah ding ni cu theih a si lo nan an suah ka zum. A mah lawng silo in kan KNU member thawnginn sung umlai pawl hrang khalah an hmin cazin pe in suah zalen ding in kan dil ding. Kan dilnak in rak cohlangsak ding khal kan zum.” tiah thuthanglatu hnenah a sim.

(Visited 36 times, 1 visits today)

Comments

comments

Comments

%d bloggers like this: