Kiosa Phaw A Hrukmi Laak

July 18

Zarhte Ni

 

 

 

Siar:

Matthai 7:15-23

 

Profet deu pawl khi raalring uh; an lenglam cun tuu bangin nan lakah an tlang;

asinan an sunglam cu cinghnia hraang vek an si.        -Matt. 7:15

 

Kumkhat Sung Baibal:

–   Saam 20-22

–   Tirhthlah 21:1-17

 

C.S Lewis ih nganmi “Chronicles of Narnia” cabu komkhawm ih a netabik cabu: “Netabik Raaldo awknak” timi cabu sungah Shift timi mi bum hmangzet Zawng in Kiosa vun a sar ih zawn a lungzetmi Laak pakhat a hrukter. Cumi ttheh tikah Shift cun Kiosa vun hruk in a thup awmi Laak cu Narnia ram siangpahrang ngaingai Aslan (Kiosa) a si tiah thu a than ih Narnia ram ih raal pawl thawn rualremnak an tuah ih Narnia ram cu uk tlang dingin an tum.

 

Siangpahrang kum note Tirian cun Aslan in hivek in thil ttha lozet a tuah ding hi a zum thei lo. Cuticun siangpahrang ngaingai Kiosa (Aslan) ih bomnak in mi bum hmang Shift (Zawng) le Kiosa lem (Laak) cu a do ih a neh thluh saal.

 

Satan in Pathian ih sinak pawl a cawng ti’n Bible in a sim. A tumtahmi cu Cungnungbik vekih um ding hi a si (Isaiah 14:12-15). Jesuh ih umnak ah midang umter tahrat in mi pawl bumh dingah a zuam. Profet deu (nal prophet) pawl le Khrih deu (anti Christ) pawl kha raalring uh ti’n Jesuh Khrih amah rori in sim. Jesuh in, “Raalring uh, zo hman in lo bum hlah hngai seh. Mi tampi ka hmin in an ra dingih, ‘Keimah hi Messiah cu ka si,’ tiah an ti dingih mi tampi an bum ding,” a ti (Matt. 24:4-5).

 

A dikmi Khrih le a dik lomi Khrih (Khrih lem) cu ziangti’n kan thleidang thei ding? A dikmi Khrih ih thu cu Bible ah in sim. Bible ih sim vek a si lomi Khrih cu Kiosa phaw hrukmi Laak a si.

 

Pathian hnen ihsin ka ngahmia si ti’n,

Thu a simtu pohpoh raalring aw;

Pathian ttongkam thawn a mil aw lo ahcun,

A simmi thu va zum hlah.

 

Pathian Ttongkam cun a sualmi theihthiam theinak fimnak a pe.

(Visited 36 times, 1 visits today)

Comments

comments

Comments

%d bloggers like this: