KIO Le Kawlram Cozah Palai Tuluk Ram Ah Tawngawknak Nei

Irrawaddy, BBC | January 19

Kawlram sungah KIO le Kawlram cozah kahawknak a um theu mi cu titawp asi theinak ding ah KIO ( Kachin Independence Organization) le Kawlram cozah palai pawl cu January 18m tlawngkai nithum ah Kawlram le Tuluk ramri, Shewli ah tawnawknak an nei.

Kawlram cozah cun KIO thawn remdaihnak an neih theinak ding le kahawknak tawpter a si theinak ding ah Kawlram le Tuluk ramri ihum Shewli ah biakawknak a nei ih Kawlram cozah cun U Awng Tan, U Awng Ci le U Tei Zaw pawl an thlah ih KIO khal in an member 12 an thlah ve a si. Hi biakawknak an neihmi cu ni 2 sung rei ding ih ruat a si ih Kawlram lam cun KIO thawn kahawknak an neih theumi cu tawpter an duh thu le ram sung kahawknak ruang ih harsatnak tawntu pawl bawm an duh thu an rel. KIO palai pawl cun Kawlram sung ihum hnam dangdang pawl canvo cu dik zet ih pek an si lawng ah le Kawlram cozah in a ngaihsak ih biakawknak felfai a neihpi lawngah remdaihnak taktak a um thei an zum thu an rel ve.

KIO palai pawl ih dilmi cu Kawlram cozah in tu’ini January 19, tlawngkaini li ah ngaihtuah tha ding in an la ih biakawknak an nei leh cih ding a si.

(Visited 28 times, 1 visits today)

Comments

comments

Comments

%d bloggers like this: